Accessibility links

җомга, 9 декабрь 2016, Казан вакыты 18:34

“Tulpar” jurnalınıñ soñğı 4 sanı turında Näcibä Safina häm Ufadan jurnalnıñ baş redaktorı Rämil Miñneäxmätov söyli


“Tulpar” jurnalı ul- Tatarstannan çittä yäşägän tatarlarnıñ 1994 yıldan Başqortstanda çığa torğan respublika yäşläreneñ ädäbi-näfis, ictimaği-säyäsi jurnalı. Alay ğına da tügel .Bu jurnalnıñ oyıştıruçısı Başqortstan respublikasınıñ Yäşlär säyäsäte buyınça däwlät komitetı. Jurnal 18200 tiraj belän ike ayğa ber çığa. Berençe baş möxärrire Rimat Kaşapov bulsa, annan soñ Rädis Nuğumanov buldı. Ä menä 2001 yıldan Tulpar jurnalınıñ baş möxärrire Ramil Miñneäxmätov. Bügenge tapşıruıbızda bu jurnal turında sezgä yazuçı, şağirä Näcibä Safina söylär:“Tatarstanda bu “Tulpar” jurnalın TR milli kitapxanäsendä genä tabıp uqıp bula. Ä jurnalnıñ bu 4 nçe yubiley sanı cämğiätneñ törle ölkälärenä qağılışlı yazmalar belän bay. Bu jurnal Tatarstandağı kiñ qatlam tatarça jurnal uquçılarğa da bik faydalı bulır ide,- di Näcibä Safina. Anıñ tışlığınnan “Min irekle keşe !”,-dip başına tutıy qoş basqan Salawat Fätxetdinov yılmayıp tora. Ä berençe bitennän ük Fänizä Ğimadiewanıñ “Küklär ala ,küklär birä” dip atalğan häm Marat Käbirovnıñ “Tabut” xikäyäläre jurnalnıñ umırtqa söyägen täşkil itä. Jurnalda Marat Käbirov turında anıñ “Sarı yortlar sere” dip isemlängän poveste 2002 yılda “Qazan utları” jurnalında basılıp çığıp, tänqitçelär tarafınnan “Yılnıñ iñ yaxşı proza äsäre” dip bilgelängän ide. Jurnal: “Marat Käbirov- tatar ädäbi tarixında yaña bit açuçılarnıñ berse”,-dip yaza üz xezmätkäre turında ”,-dide ul. Ä “Tabut”xikäyäse närsä turında ikänen jurnaldan uqıp belä alasız. Ä Näcibä Safinanıñ fikerençä:“Bu xikäyä - üterüçelär häm tereltüçelär , yäki, keşe qädersezlege häm et qadere turında dip äyter idem min, - di ul. Şulay uq jurnalda tağın bik küp qızıqlı yazmalar turında äytep kitä Näcibä Safina. Häm ul bu “Tulpar” jurnalın aylıq jurnal bulıp basılıp çığa alır mikän digän soraw birä? Näcibä Safina birgän sorawnı bez jurnalnıñ baş möxärrire Rämil Miñneäxmätovqa birep qarıyq äle. Rämil äfände, menä bıyıl sezneñ jurnalğa avgust ayında 10 yıl tuldı. Bu jurnalnı Tatarstanda aldırırğa mömkinçelek bulmağanlıqtan, anı Qazan şähäre buylap ezläp tä, milli kitapxanädän başqa urında taba almıyça, bez sezgä möräcäğät itärgä uyladıq.“Tulpar” tışlığınıñ artqı bitendä “Tulpar” jurnalına Rusiäneñ barlıq töbäklärendä dä yazılırğa mömkin” dip yazılğan. Rämil äfände, Sez monı niçek itep añlatır idegez? “1999 yıldan bez Rusiä katalogında bulıp kildek. Ä 2005 yıldan bez aylıq jurnal bulırğa tieş idek. Bıyıldan, Rusiä katalogına kerer öçen, häm aylıq bulır öçen aña kiräkle käğäzlärne waqıtında cıyıp beterä almıyça, bez soñğa qaldıq.Qızğanıçqa qarşı älege podpiska waqıtında Başqortstannan çittä yäşäwçelär bu “Tulpar” jurnalın yazdırıp ala almıylar. Ä 2005 yılnıñ ikençe yartısınnan bez Rusiä kataloğına keräbez. Fevral', mart, aprel' aylarındağı podpiska waqıtında jurnalğa yazılırğa mömkin bulaçaq.”-dide ul. Xörmätle radio tıñlawçılar!çirattağı şimbä matbuğat küzätüendä “Tulpar” jurnalınıñ soñğı 4 sanı belän sezne Näcibä Safina tanıştırdı. Tapşıruda Ufadan telefon aşa bezgä mäğlümat birde jurnalnıñ baş möxärrire Rämil Miñneäxmätov. Azatlıq radiosı Mälikä Basıyr, Qazan.

XS
SM
MD
LG