Accessibility links

якшәмбе, 4 декабрь 2016, Казан вакыты 21:30

Jurnalistlarnı Saqlaw Komitetı bıyılğı matbuğat ireklege bülägen Mäskäwdä üterelgän Khlebnikovqa birä


Quşma Ştatlarda terkälgän Jurnalistlarnı Saqlaw Komitetı bıyılğı xalıqara matbuğat ireklege bülägen Mäskäwdä atıp üterelgän jurnalist Paul Khlebnikovqa birüen iğlan itte. Forbes jurnalınıñ rusça basması baş möxärrire Khlebnikov iyül ayında eş bülmäsennän uramğa çıqqaç atıp üterelde. Ul Rusiädäge iñ bay eşmälärlär isemlegen tözegän ide. Bıyılğı xalıqara matbuğat ireklege büläkläreneñ qalğan öçese Belarusskaya Delovaya Gazetanıñ elekke baş möxärrire Svetlana Kalinkinağa, Burundidağı Afrika cämäğätçelek radiosı mödire Alexis Sinduhiceğa, Birmadağı dokumental film töşerüçelär Auñ Pwint belän Tauñ Tunğa birelä. Bu film töşerüçelärneñ ikese dä xäzer törmädä utıra. Büläklärne tapşıru tantanası 23-nçe noyäberdä New Yorkta bulaçaq.

XS
SM
MD
LG