Accessibility links

Кайнар хәбәр

AQŞ häm Ğiraq köçläre Fällücä yanında höcüm pozitsiälären nığıta


Ğiraqta AQŞ hawa köçläre Fällücä şähären uzğan töndä bombalağannan soñ cir öste köçläre bügen Fällücägä yanında höcüm pozitsiälären nığıta. Ber meñläp AQŞ xärbie tanklar häm Ğiraq maxsus köçläre yardämendä Fällücägä kerü çığu yullarında tikşerü qapqaları urnaştıra Fällücädä iordaniäläe Äbü Mussab äz-Zärqäwi taraflı suğışçılar urnaşqan. Kiçä Bağdadnıñ yaxşı saqlanğan yäşel zonasında kimendä 5 keşene ütergän ike intixarçı höcümnäre öçen cawaplılıqnı äz-Zärqäwi tarafdarları üz öslärenä aldı. Bügen AQŞ xärbiläre Ğiraq xökümäte belän atışlarnı tuqtatu turında söyläşülärdä Fällücädän kilgän törkemdäge citäkçe Şäyx Xalid Xämüdneñ qulğa alınuı turındağı xäbärlärne kire qaqtı. Bügen Fällücädäge dini citäkçe Şäyx Mäxmüt Abdel Aziz AQŞnıñ Fällücägä xärbi höcüm başlawına protest çaraları ütkärergä çaqırdı. Bağdadta politsiä stansiäse yanında ber intixarçı maşinada bomba şartlatıp ber keşene üterde häm kimendä 14 keşene yaraladı.
XS
SM
MD
LG