Bügen İzrail' saqlanu ministrı urınbasarı Zeev Boim İzrail'neñ Gazadağı xärbi operatsiälären kimetäçäge turındağı xäbärlärne rasladı. Gazada 16 kön elek başlanğan höcüm barışında yözdän artıq fälestinle hälak buldı.
Boim İzrail' radiosına armiä Jabalya qaçaqlar lagerınıñ ber öleşennän çigenäçäk ämma operatsiä däwam itäçäk dide. Biredä bik qatı bäreleşlär bulğan ide.
Bügen Jabalyada yäşäwçelär İzrail' armiäseneñ çigenäçägen kürsätüçe bernindi işarälär dä yuq dide. Fälestin tabibları äytüençä, bügen irtän İzrail' hawa höcüme näticäsendä äl-Aqsa Fidaiları törkemeneñ ike suğışçısı hälak bulğan.
İzrail' premyer ministrı Ariel Şaron belän Saqlanu Ministrı Şaul Mofaz çigenü turında qararnı pänceşämbe kiç qabul itkän dip xäbär itelde.
