Accessibility links

җомга, 2 декабрь 2016, Казан вакыты 23:02

Rusiädä çit il watandaşlarına höcümnär däwam itä


Mäskäw yanında ber üzbäk häm Çita şähärendä ber qıtaylı üterelde. Bu üterülär millätara näfrät nigezendäge çirattağı üterülär bulırğa oxşağan dip sanala. Militsiä äytüençä, uzğan töndä Mäskäw yanındağı Dolgoprudnıy şähärendä bilgesez 4 keşe 2 üzbäk watandaşına höcüm itep qıynağan häm pıçaq belän qadağan. Bu üzbäklär şuşı şähärdä eşlägän bulğan. Ber üzbäk ülgän, ikençese xastaxanädä bik awır xäldä. Çita şähärendä ber qıtay watandaşın ike keşe pıçaq belän qadap ütergän. Militsiä äytüençä, üterüçelär iserek yäşlär bulğan. Çärşämbe kiçendä Peterburda 1 Vietnamlı student üterelgän ide. Aña 15-20-läp keşelek törkem höcüm itep qıynağan häm pıçaq belän qadağan. Bıyıl Peterburda 9 yäşlek taciq qızın ütergännär ide.

XS
SM
MD
LG