Accessibility links

чәршәмбе, 7 декабрь 2016, Казан вакыты 11:44

AQŞ häm Rusiä astronawtları Xalıqara Ğäläm Stansiäsenä kilde


Soyuz ğäläm korabı Xalıqara Ğäläm Stansiäsenä kilep quşıldı. Soyuzda kilgän astronawtlar stansiädä aprel ayınnan birle eşlägän astronawtlar törkemen alıştıraçaq. Baştaraq Soyuz ğäläm stansiäsenä artıq tiz yaqınlaşa dip isäpläwlär qayber qurqularğa säbäp bulğan ide. Ämma soñraq uñışlı quşılu turında xäbär Korolyov oçışlar idaräsendä alqışlar belän qarşılandı.

Soyuz ğäläm korabı Baykonur kosmodromınnan uzğan atnakiçtä quzğalıp kitte häm ike kön buyı Xalıqara ğäläm stansiäsenä taba oçtı. Kilep citkändäräk astronawtlarnıñ berse stansiä belän korab arasında yıraqlıqnıñ bik tiz kimi baruına iğtibar itte. Qurqınıç signalı qabızıldı häm Soyuzdağılar aftomat idaräne sünderep tizlekne kimetü öçen soyuznı üzläre idarä itä başladı. Oçışnı idarä itü operatsiäläre başlığı Vladimir Solovyev Soyuz belän Stansiäneñ uñışlı quşıluı turında xäbär itte.

Quşılğannan soñ 3 säğät ütügä Soyuzdağılar Stansiägä kerergä äzer buldı. Alarnı stansiädä aprel''dän birle eşlägän häm xäzer cirgä qaytaçaq Russiäle Gennadiy Padalka häm Amerikalı Michael Fincke kötep tora ide.

Üktäberneñ 24-ndä bu törkem cirgä qaytu yulına çığa. Alarnı Soyuzda kilgän rusiäle Yuriy Çargin alıp qaytaçaq. ä Soyuzda kilgän tağın ike astronawt rusiäle Salijan Şäripov belän amerikalı Leroy Chiao Xalıqara Ğäläm Stansiäsendä 6 ay buyı eşliäçäk.

Naif Aqmal, Praga.
XS
SM
MD
LG