Accessibility links

якшәмбе, 4 декабрь 2016, Казан вакыты 02:52

Ğiraqta 3 amerikan soldatı üterelde


Ğiraqnıñ Süriä çigenä yaqın öleşendä intixarçı maşinada bomba şartlatıp 3 amerikan xärbien, ber ğiraqlını üterde. Bügen AQŞ xärbiläre Ğiraq başqalasınıñ Sadr bistäsendäge qorallı şığıylarğa qoralların tapşıru öçen birelgän waqıtnı tağın 2 köngä ozayttı. Suğışçan dini citäkçe Moqtada äs-Sadr taraflı suğışçılarğa qoralların aqçağa almaştıru mömkinlege birelde. Qoral tapşıru waqıtı kiçä çıqqan ide, ämma xäzer yäkşämbegä qädär ozaytıldı. Qorallarnı cıyu tämamlanğannan soñ AQŞ köçläre Sadr bistäsendä iminlek saqlawnı Ğiraq köçlärenä tapşıraçaq. Bügen irtän Bağdadnıñ 5 çirkäwendä şartlawlar buldı. Anda yaralanuçılar bulmadı. Şähär xastaxanäse yanında bulğan 6-nçı şartlaw näticäsendä ber keşe ülde. Bügen Fällücä şähäreneñ tirä yağında AQŞ köçläre qatı iminlek çaraların beraz kimette. Fällücädä urnaşqan sönni ğisyançılarğa qarşı soñğı berniçä köndä hawa häm artilleriä höcümnäre alıp barıldı.

XS
SM
MD
LG