Accessibility links

пәнҗешәмбе, 8 декабрь 2016, Казан вакыты 19:08

Britan köçläre könyaqtan Bağdadqa küçerelergä mömkin digän xäbärlär bar


Ğiraqtağı Britan ğäskärläre Fällücädäge sönni ğisyançılarğa qarşı suğışa başlağan AQŞ soldatların almaştıru öçen tizdän Bağdadqa küçerelergä mömkin. Bu turıda bügen Britan basmaları yaza. BBC häm Daily Telegraph, Guardian kebek gazetlar 650-läp Britan xäbrie waqıtlıça Bağdadqa küçerelergä mömkin dip xäbär itä. Britaniä saqlanu ministrlığı älegä qarar qabul itelmäde di. Ministrlıq Britan ğäskärläre Bağdadqa küçerelgän oçraqta anda hiç tä AQŞ citäkçelge astında eşlämiäçäk di. Britaniäneñ oppozitsion Konservativ partiäse başlığı Michael Howard ğäskärlärne küçerü turında täfsilleräk mäğlümät kiräk dide. Xäzergä Britan ğäskärläre Ğiraqnıñ çağıştırmaça tınıç bulğan könyaq öleşendä urnaşqan. Ğiraqtağı Britan köçläreneñ baş idaräse Basra şähärendä.

XS
SM
MD
LG