Accessibility links

шимбә, 10 декабрь 2016, Казан вакыты 11:51

AQŞ hawa köçläre Ğiraqnıñ Fällücä şähären bombaladı


Bügen AQŞ xärbi oçqıçları Ğiraqnıñ ğisyançılar qulındağı Fällücä şähärenä yaña höcümnär yasadı, AQŞ cir öste köçläre şähär tiräsendä pozitsiälären nığıttı. Fällücädäge xastaxanä xezmätkärläre äytüençä bombalawlar näticäsendä ülüçelär bar, ämma bik qatı atışlar baru säbäple aşığıç yardäm maşinaları yardämgä bara almıy. Elekke hawa höcüme waqıtında 3 keşe ülde dip xäbär itelä. Fällücäneñ könyaq citendä AQŞ tankları ğisyançılarnıñ pozitsiälären utqa tottı dielä. Ğisyançılar alarğa aftomat qoraldan, minaatqıçlardan häm raketa atqıçlardam cawap birgän. Bügen Ğiraqnıñ küçeş çorı xökümäte tağın ber märtäbä Fällücä xalqın ğisyançılarnı xakimiätlärgä tapşırırğa çaqırdı häm tapşırmağan oçraqta kiñküläm höcüm başlanaçağı turında kisätte. Kiçä Ğiraqnıñ Latifia şähärendä yäşeren höcüm näticäsendä Ğiraq politsiäseneñ 9 xezmätkäre üterelgän.

XS
SM
MD
LG