Accessibility links

Кайнар хәбәр

Qazansu yarında «Awıl»digän küñel açu üzäge bulaçaq


Ütkän yal könnärendä, Tatarstan Prezidentı Qazanda bocra räweşendä qorıla torğan yaña yullarnıñ tözeleşen qarap kitte.Qazannı zamança şähärlär rätenä kerter öçen, yaña yullarnı buldıru häm metro tözeleşen tämamlaw kiräk, dip äytelä räsmi xäbärlärdä. Başqalada, Mäskäwdäge kebek, transport bocraların oyıştırırğa uylıylar häm keçe Qazan bocrasınıñ ber öleşe inde tözelep betkän ikän. Qazannıñ Gorkiy isemendäge yal parkı da tağı da zurraq, häm maturraq itep torğızılaçaq ikän. Şunıñ östäwenä, Qazan su yılğasınıñ yarında, «Awıl» digän küñel açu parkın oyıştırırğa plan qoralar. Mintimer Şäymiev, milli tösmerlär kertep, awılnıñ töse, qiäfäte kürenep torırlıq itep, proektnı üzgärtergä kiñäş itkän. Här keşe qayan çıqqanın onıtmasqa tieş, balalar da yağa sawğan sötneñ tämen belsälär, yaxşı bulır ide, digän prezident.

Şuşı könnärdä, Çallıda, şähär yäşlär forumı üz eşen başlıy. Anda, yäşlär citdi mäsälälär turında fiker alışqannan soñ, icat festivalen dä ütkärergä cıyına ikän. Sport ölkäsendä dä yañalıqlar bar. Tatar-başqort köräşeñ final bäygese tämamlandı. Baş batır Älmät yegete İlyas Galimov bulğan, ä komandalar yarışında, Teläçe batırları berençelekne yawlağan.

Zinatulla Bilälletdinov citäkçelegendäge «Aq Bars» xokkeyçıları isä, çempion däräcäsenä awırlıq belän baralar. Zinatulla Xäydär ulı da alarğa bik yärdäm itä almıy. Soñğı uyında «Aq Bars» xokkeyçıları ciñelmäsälär dä, läkin ota almadılar. Alar Omskiy xokkeyçıları belän 3:3 isäbe belän uynıda. «Rubin» futbol komandası, yallarda, Piterburn «Zenit» komandası belän 1:1 isäbe belän uynadı. Ämma uyınnıñ isäbe tügel, ä soñınnan bulğan waqiğa, mäğlümat çaraların iğtibarın nığraq cälep itte. Fanatlar, uyın betügä ber niçä minut qala, qırğa yögerep çıqqan bulğan, alarnı militsiä xezmätkärläre, başta tota almağan, soñınnan canatarları tuqtata alçaq, qıynıy başlağan. Rusiäneñ, sport gäzitläre şunnan soñ, «Qazan militsiäse Piterbur canatarların qıyınıy» digän baş isem belän basılıp çıqtı.



Bikä Timerova.

XS
SM
MD
LG