Accessibility links

шимбә, 10 декабрь 2016, Казан вакыты 19:40

Ğiraq premyer-ministrı ğaskärlär belän qamap alınğan Falluca şähäre xalqına yardäm wağdä itte


Ğiraq premyer-ministrı İyad Allawi ğaskärlär belän qamap alınğan Falluca şähäre xalqına 2 million dollarlıq yardäm cibärergä wağdä itte. Kiçä häm bügen başqalada häm ilneñ tönyağındağı Mosul şähärendä şartlawlarda kimendä 14 ğiraqlı hälak buldı. Alar arasında polisiä xezmätkärläre dä bar. Amerikan ğaskärläre comğa könne qulğa alınğan Falluca şähärendäge aradaşçı Şeix Xaled Hamoud al-Jumail''nı irekkä çığardı. Al Jumaili, Reuters mäğlümat agentlığına, tınıçlıq bulsın öçen – ike yaqnıñ da teläge bulırğa tieş, dip belderde: "Çın tınıçlıq – anı urnaştırır öçen çın küñeldän teläk bulsa ğına bula ala. Xökümät Ğiraq xalqına möräcäğät itep – mäs''äläneñ citdi bulğanın añlatsa, ğiraqlılarnı berläşergä çaqırsa ğına bula ala," dide al Jumaili. Ğiraq premyer-ministrı – ägär Falluca xalqı şähärdä qaçıp yatqan Abu Musab al-Zarqawi ğaskärlären qulğa alırğa yardäm itmäsä – şähärgä basıp keräçägen beldergän ide. Amerikannar al-Zarqawi öçen 25 million dollar aqça wağdä itä.

XS
SM
MD
LG