Accessibility links

якшәмбе, 11 декабрь 2016, Казан вакыты 17:01

Amerikanıñ eşmäkärlär öçen oyıştırılğan uqu programmaları tämamlana


Tatarstan eşmäkärläre Amerika Däwlät departamentı yärdämendä ütkärelä torğan belem birü häm mädäni programmalarda qatnaşa. 19 oktäberdä, Säwdä sänäğät palatasında eşmäkärlär öçen uqular başlandı.

Tatarstanda eşläwçe keçe häm urta biznes wäkilläre, Amerikanıñ törle şirkätlärendä eşlägän, yuğarı däräcälärgä ireşkän eşmäkärläre belän tanıştı. Alar, niçek itep biznesnı tiz arada üsterergä bula, tovarnı döres itep täqdim itü ısulları turında söyläde, kiñäşlär birde. Uqularda «Rusiä öçen biznes» häm xezmättäşlek programmaların ütkän Rusiä, şul isäptän Tatarstan eşmäkärläre qatnaşa. «Legasy İnternational» digän ictimaği oyışmanıñ wäkilläre «Rusiägä här kilgän sayın alar, ildäge iqtisatnıñ dönya standartlarına taba üsüen küräbez», dip äyttelär. Amerika Däwlät departamentı finans yärdäme belän barğan älege uqularda belem alğan Tatarstan eşmäkärläre professional yaqtan şaqtıy üskän. Küpçelege inglizçä irken söyläşä, üz şirkäten kiñ cämäğätçelek aldında täqdim itä ala. Säwdä sänäğät palatası birgän mäğlümatlarğa qarağanda, respublikada amerikan programmalarında 70läp keşe uqıp çıqqan. Ämma seminarnı oyıştırğan şirkät beldergänçä, bıyılğı uqular soñğı bulaçaq. Çönki, Amerika Däwlät departamentı bu programmalarğa başqa aqça birmäyäçäk. Bu eş 11 yıl elek, ike Prezident Boris Yeltsin häm Bill Clinton kileşüe nigezendä başlanıp kitkän. Ul waqıtta, Amerika, Rusiä iqtisatın bazar şartlarına yaraqlaştırırğa öyräter, dip kileşelgän bulğan. Şulay itep, 11 yıllıq belem birü programmaları tämamlana. Uqularnı oyıştıruçı «Legasy İnternational» oyışması wäkilläre äytkänçä, programma 11 yıl elek quyğan bazar iqtisatın häm demokratiäne üsterü kebek maqsatlarına ireşep betmägän. Uqularnı däwam itärgä kiräk, anıñ öçen şuşı belem birü oyışması, sponsorlar yärdämenä ömet itä.

Bikä Timerova.

XS
SM
MD
LG