Accessibility links

дүшәмбе, 5 декабрь 2016, Казан вакыты 11:38

Amerikan räsmie: Äfğanstanda ütkän saylawlardan soñ Taliban töşenkelek kiçerä


Taliban citäkçelegendäge qarşılıqlardan faydalanıp, Amerikan häm Äfğanstan xärbiläre Taliplarğa qarşı xöcümnären arttıra. Bu xaqta bügen Kabulda amerikan xärbiläre süzçese Scott Nelson äytte. Anıñ süzlärençä, prezident saylawları uñışlı ütkännän soñ Taliban citäkçeläre saflarında büleneş häm töşenkelek küzätelä:

Audio (Scott Nelson): "Äfğanstan häm Paqstannan alınğan küzläw mäglümätlärenä kürä, Ğömär Mulla häm anıñ komandirları arasında, alğa taba niçek xäräkät utü mäsäläsendä, citdi qarşılıqlar bar. Saylawlarnı özä almağannan soñ, Taliban töşenkelek kiçerä."

2001 yılda Amerikan xärbiläre Talibannı bärep töşergännän soñ, ber küzen yuğaltqan Taliban başlığı Ğömär mulla qaçıp kitä alğan ide.

Yäkşämbedä birelgän tawışlarnıñ yartısı sanalğannan soñ, alda zur östenlek, 60-tan artıq protsent belän, xäzerge citäkçe Xomid Karzai bara. İkençe urında barğan Yunıs Qanuninıñ 16 protsent çaması. 3-4nçe urınnarda 7-8 protsent belän Räşid Dustum belän Möxämät Mohaqiq. Berdän-ber xatıq-qız namzät Mäsxüdä Calal bişençe urında. Tögäl näticälär şuşı ay axırında kötelä.

XS
SM
MD
LG