Accessibility links

якшәмбе, 11 декабрь 2016, Казан вакыты 01:34

Başqortstan tatarları latin älifbasın xuplıy...


Başqortstan tatar milli oyışmaları berlegenä kergän ictimaği oyışmalar üzläreneñ berlektäge utırışın ütkärde. Çirattağı kiñäşmäne, ğädättägeçä, Başqortstan Tatar milli oyışmaları berlege räise Ramil Bignov açtı häm alıp bardı.

Kön tärtibenä 4 töp mäsälä kertelgän ide. Ul mäsälälärne söyläşü başında uq iğlan ittelär. Tatar yazuın latin älifbasına küçerü, Başqortstanda 2002 yılğı xalıq isäben alu näticäläre, «Zvezda Povoljia» gäzitendä basılğan Başqortstandağı tatarlarnıñ xäle turındağı mäqälä buyınça fiker alışu häm dürtençe mäsälä – respublikada tatar milli – mädäni moxtäriätlären tözü barışı xaqında söyläşü ide.

Berençe mäsälä, yäğni tatar yazuın latin älifbasına küçerü mäsäläse buyınça töp çığışnı kiñ bilgele ğälim, professor Cäwdät Ğiläcetdinov äzerlägän. Ul tatar yazuın latin xäreflärenä küçerüneñ iñ döres yul buluın isbatlap, nigezle häm 4 dälilen yañğırattı.

Audio (Cäwdät Ğiläcetdinov)

Cäwdät Ğiläcetdinov üzeneñ ozın ğına çığışında tatar telen latinçağa küçerüne yaqlap, sallı ğına başqa dälillären dä işetterde. Şunıñ belän berrättän, tanılğan ğälimneñ tatar yazuın latin xäreflärenä küçerü ixtiacın dälillägän çığışın başqalar da xupladı. Çığış yasawçılarnıñ berse dä latinğa küçüneñ kiräklegenä bernindi dä şik beldermäde. Başqortstan Tatar ictimaği üzäge räise Ayrat Ğiniätullin da, Başqortstan Tatar milli oyışmaları berlege räise Ramil Bignov ta, anıñ urınbasarı Mäcit Xucin da, Başqortstan Tatar kongressı Başqarma qömitetı äğzası Kärim Yauşev ta kiläçäktä latin älifbasınıñ motlaq qullanışqa keräçägenä ışanıçın belderde. Bu barı tik waqıt eşe genä, dip äytelde.

Çığış yasawçılar latinğa küçü mäsäläsendä bäxästä qatnaşıp, bu ğämälgä qarşı çıqqan qayber millättäşlärebezne kisken ğäyepläde. Mäcit Xucin äytüençä, tatar yazuın latinğa küçerügä qarşı çığış yasağan häm bu mäsälädä kiñ mäğlüm ber xatnı imzalağan tatarlar – alar üzläre ük millätkä zian kiterüçelär. İñ mäzäge şunda – ul xatnı imzalawçılarnıñ küpçelege üzläre dä, balaları da yünläp ana tellärendä dä söyläşä belmi. Qısqası, zaman "şahğaliläre" haman da baş qalqıtıp, millätkä zian salıp tora, şul uq waqıtta «ölkän brat»nıñ tegermänenä räxätlänep su qoya.

XS
SM
MD
LG