Accessibility links

Кайнар хәбәр

Ayrat Şäripov: Respublika citäkçesen xalıq saylarğa tieş


“Sozidanie” ictimaği xäräkäte häm anı oyıştıruçı Ayrat Şäripov iseme 4-5 yıl elek Tatarstanda qalqıp çıqqaç, qayadır yuğalıp torğan ide. Soñğı könnärdä şimbä könne Qamal teatrı yanına mitingqa çaqırğan afişaları qoymalarda kürende. “Звезда Поволжья” gäciteneñ soñğı sanında ul mitingnıñ rezolyutsiä proyektın bastırğan.“ Töbäk başlıqların bilgeläw Rusiä Konstitutsiäsenä turı kilmi. Ägär dä böten xalıq saylawları bulmıy ikän bu federalizm häm demokratiä prinsiplarına qarşılıqnı häm Rusiäne unitar däwlätkä äylänüen kürsätä. İñ möhime - Putinnıñ reforması xalıqnı üz wäkilen saylaw xoquqınnan mäxrüm itä. Şuña kürä bez üz konstitutsion xoquqlarıbızdan baş tartırğa telämibez”,-dip äytelä rezolyutsiä proyektında. Döresen äytergä kiräk, Tatarstannıñ räsmi xakimiäte, deputatları üzläreneñ däräcälären töşerüçe reformanı xuplarğa mäcbür. Östäwenä küplär fikerençä, mitinglarda keşe cıyıp, tarixnıñ ağımın üzgärtü zamannarı ütkän. Xalıqnıñ küpçelege bitaraflıq kürsätä häm eçtän genä sıqrana. Şuña qaramastan Ayrat Şäripov üz-üzebezneñ saylaw xoquqların yaqlıyq, digän miting cıya. Comğa könne ul Azatlıq radiosınıñ Qazan byurosına kilde. Radio häm anıñ xezmätkärläre ber nindi säyäsi törkemneñ yäki şäxesneñ fikeren yaqlamıy da, xuplamıy da. Ä menä cämäğätçelekkä üz fikeren äytkän häm küpçelek xuplağan räsmi qaraşqa al'ternativa buldırırğa teläwçe turında mäğlümat taratu – bezneñ burıç.Ayrat Şäripov üzeneñ möräcäğätlären elekke yıllarda qimmätle gäcitlärdä, tele-radiokanallarda yañğıratsa da, anı üzen belüçelär yuq däräcäsendä. Kem ul, qayda tuıp üskän, nilär eşlärgä cıyına?Bu yulı elekke kursant häm eşquar Ayrat Şäripov üzeneñ tatarça söyläşergä tatar telen yaxşıraq öyränüen kürsätte. Rus telendä dä añlatmalar birep ul xaqimiätne xalıq saylap quymasa, Rusiägä zur zıyan kiläçäk, dip sanıy.Qayber analitiklar fikerençä, räsmi yünäleşkä täñgäl kilmägän pozitsiäle ictimaği lidernıñ çarasına kilüçelär bik az bulır dip uylıy. Ä Ayrat üze barıber demokratiäneñ respublika liderın xalıq tarafınnan saylaw xoquqın yaqlarğa tırışa. Waqıt kürsäter niçek bulır.

Rimzil Wäli, Qazan.

XS
SM
MD
LG