Accessibility links

җомга, 9 декабрь 2016, Казан вакыты 22:18

Ğiraqtağı britan xärbiläre AQŞ ğaskärlärenä yardämgä kilergä äzerlänä


Britaniä xärbi köçläreneñ yuğarı räsmi wäkile, Ğiraqtağı britan ğaskärläre Bağdad yanına cibärelä, dip belderde. Alarnıñ başqala tiräsendä iminlek saqlawı – amerikan xärbiläreneñ köç qullanu däwam itkän, Falluca kebek urınnarda çaralar ütkärüenä yardäm itäçäk. Ğiraqtağı 850gä yaqın britan xärbie könyaqtan üzäkkä küçergä äzerlänä. General Michael Walker, Ğiraqta saylawlar bilgelängän waqıtta üter digän ömet belderde, ämma ilneñ barlıq töbäklärendä dä iminlek bulmawı arqasında tawış birü uzmasqa da mömkin. Ğiraqtağı amerikan xärbi köçlär idaräse – bügen Falluca tiräsendä koalisiä köçläre häm ğısyançılar arasında yañadan bäreleşlär buldı, suğışçılarğa qarşı hawa höcümnäre yasaldı, dip belderde. Makedoniä xökümäte, avgust ayında urlanğan üzeneñ 3 watandaşınıñ üterelgän buluın rasladı. Uzğan atnada Ğiraqtağı İslam Ğaskärläre digän törkem ildä kileşü nigezendä eşlägän makedonlılarnı üterüen xäbär itkän ide. Makedoniä räsmiläre bu xaqta Qatardağı Al Jazeera televideniäsendä kürsätelgän video tasmalardan belde. Qorbannar – ilneñ tönyağındağı Kumanovo şähärennän ide. Bügen Makedoniä premyer-ministrı Hari Kostov tuğannarına bu xäbärne citkerer öçen Kumanovo'ğa üze kitte.

XS
SM
MD
LG