Üzbäkstan oppozisiäse xalıqnı 26nçı dekaberdä ütäçäk parlament saylawlarına barmasqa çaqıra. Ozod Dehkonlar yağni irekle krestyannar partiäse başlığı Nigora Xidoyatova, bäysez namzätlärneñ saylawlarda qatnaşuı bik qatlawlı, dip belderde. Firqa utırışı barğanda bilgesez keşelär binanıñ işeklären häm täräzälären watıp kitkän. Höcümneñ säbäbe bilgesez, ämma partiä monı "provokasiä" dip atadı. Şähär polisiäse bu ğamäl turında xäbärdar bulmağanın belderde. Respublikada 5 säyäsi partiä bar, alar barısı da prezident İslam Kärimovnı yaqlıy. Oppozisiädäge firqalär, terkälep ölgermägän digän sıltaw belän namzätlär isemlegenä kertelmägän ide. New Yorkta urnaşqan xalıqara keşe xoquqları ligası prezident Kärimovqa, Üzbäkstannıñ xoquq saqlawçılarınıñ – terrorçılıqta şiklänelep qulğa alınğan keşelärne ezärlekläw oçraşqların tikşerüne sorap xat cibärde. Oyışma mart häm april ayında bulğan terror höcümnärennän soñ ütkän mäxkämä utırışları uñayınnan borçılu belderde. Terror ğamällärendä 47 keşe hälak bulğan ide. Üzbäk xakimiätläre kimendä 66 keşene terrorğa qatnaşı buluda ğayepläp törmägä yaptı, 28 keşeneñ xökem eşe däwam itä. Xoquq oyışması – cäberläw häm ezärlekläw oçraşqarın tikşerergä çaqırdı.
