Accessibility links

дүшәмбе, 5 декабрь 2016, Казан вакыты 05:31

Milli ruxlı rässamnar äzerläwçe fakultetqa 30 yıl


Başqortstan däwlät pedagogiä universitetınıñ xudojestvo – grafika fakultetı oyıştırıluğa 30 yıl tuldı. Şuşı uñaydan Ufada comğa könne küp kenä mädäni çaralar bulıp ütte. Töşkä qädär Ufanıñ räsem kürgäzmäläre ütkärelüçe iñ zur «Sänğät» ğälereyäsendä pedagogiä universitetınıñ xudojestwo – grafika fakultetın törle yıllarda tämamlağan kürenekle rässamnarnıñ kürgäzmäsen açu tantanası ütte.

Ä töştän soñ başqalanıñ «Qunaqsaray» säwdä itü – yal üzägendä ikençe kürgäzmä eşli başladı. Anısında xudojestwo – grafika faqültetında bügenge köndä uqıtuçı möğällimnärneñ häm taliplarnıñ kartinnarı urın aldı. Distälärçä talantlı şäxesneñ icadi eşläre belän tanışırğa häm faqültetnıñ yübileye tantanalarında qatnaşırğa Başqortstan şähärlärennän häm rayonnarınnan da, şulay uq Qazannan, Çallıdan da küp kenä qunaqlar kilgän. Pedagogiä universitetınıñ xudojestvo-grafika fakultetı öç distä yıl eçendä milli räsem sänğätenä ällä küpme talantlarnı üsterep çığardı. Biredä çınığu alğan tatar häm başqort yäşläre soñınnan icatlarında yuğarı ürlärgä mende. Soñğı unber yılda xudojestvo-grafika fakultetına üz tatarıbız, Başqortstannıñ Miäkä rayonı yegete, kürenekle rässam Tälğät Mäsälimov citäkçelek itä. Yübiley uñayınnan Ufada oyıştırılğan kürgäzmäne açqanda «Azatlıq» radiosına menä nilär söyläde ul.

Audio (Tälğät Mäsälimov)

Sez Başqortstan däwlät pedagogia universitetınıñ xudojestvo-grafika fakultetı deqänı, kürenekle rässam Tälğät Mäsälimovnı tıñladığız. Milli räsem sänğätebezne üsterügä zur öleş kertüçe faqültetnıñ oyıştırıluına 30 yıl tuluğa bağışlanğan mädäni çaralar universitetnıñ zur aqtlar zalında tantanalı kiçä belän tämamlandı.

Fänis Fätxi, Ufa

XS
SM
MD
LG