Accessibility links

пәнҗешәмбе, 8 декабрь 2016, Казан вакыты 23:07

Kosovoda parlament saylawları ütte


120 keşedän torğan parlament kiläçäktä töbäkneñ prezidentın häm xökümäten saylarğa tieş bulaçaq. Yevropada iminlek häm xezmättäşlek oyışmasınıñ urındağı wäkile Pascal Fieschi xalıqnı tawış birüdä qatnaşırğa çaqırdı:

Audio (Pascal Fieschi): "Bu Kosovonıñ kiläçägen saylaw. Sezneñ kiläçäk sezneñ qulığızda. Bu mömkinlekne ıçqındırmağız."

Kosovodan kilgän xäbärlärgä qarağanda tawış birüdä qatnaşu däräcäse bik tübän. Serblar, iminsezlekne säbäp itep saylawlarğa baykot belän kisätkän ide. Albannar - bäysezlek taraflı namzätlärgä tawış birer dip kötelä. 1999 yılda NATO xöcümnärennän soñ, Serb ğäskärläre Kosovodan kitkäç, bu töbäk Berläşkän Millätlär qaramağına tapşırılğan ide.

XS
SM
MD
LG