Accessibility links

җомга, 9 декабрь 2016, Казан вакыты 10:47

Ğiraqta başına atıp üterelgän 48 keşeneñ mäyete tabılğan


Yäkşämbegä qarşı töndä Ğiraqnıñ Baquba şähäre yanında 48 üterelgän keşeneñ ğäwdäse tabılğan. Alarnıñ bişe sivil keşe, qalğannarı yaña Ğiraq armiäse xärbiläre. Bu xärbilär Kirkuş nığıtmsında künegülär ütep qaytqan bulğan. Politsiä räsmiläre äytünçä, qorbannarnıñ barısı da art yaqtan başlarına atıp üterelgän. İran çigendäge Mandali şähäreneñ Milli gvardiä citäkçese Jassim Äl-Saadi kürgännäre turında söyläde:

Audio (Jassim Äl-Saadi): "Üzğan töndä, kiçke 10narda Badra-Qazania yanındağı üterü turında xäbär kilde. Ber sägättän bez urınğa kilep cittek. Başlarına atılğan keşelär, 12-şärläp, yözläre belän cirgä qaratıp tezelgän ide. Maşinalarına ut törtelgän."

Fallucada amerikan oçqıçları ğisyançılar nığıtması dip şiklänelgän urınnarnı utqa totqan. Näticädä 5 keşe hälaq bulğan, 7se yaralanğan. Cirle tabiplar äytüençä, ülüçelärneñ barısı da sivil keşelär. Samarra şähärendä amerikan xärbiläre häm ğisyançılarnıñ atışuı waqıtında ber Ğiraq yegete belän ber qız ut astına elägep ülgän. Quşma Ştatlar däwlät departamentı belderüençä, Bagdad hawa alanında bulğan xöcümdä, cirle iminlek xezmäte yärdämçese bulğan ber amerikan diplomatı üterelgän. Tönyaqtağı Kirkuk şähäre yanında Tigr yılğasında başı kiselgän ber mäyet tabılğan.

XS
SM
MD
LG