Accessibility links

чәршәмбе, 7 декабрь 2016, Казан вакыты 19:25

İzrail xökümäte Gazadan kitüçelärgä aqçalata yärdäm planın rasladı


İzrail xökümäte bügen premier-ministr Ariel Şaron planı nigezendä Gazadan küçep kitüçe yäxüdlärgä aqçalata yärdäm birü şartların bilgelägän qanun ölgesen rasladı. Şaronnıñ planı Gaza sızığındağı bar 21 utırmanı, yağni 8 meñ keşene, Könbatış yardan - 120 utırmanıñ 4-sen, yağni berniçä yöz keşene küçerüne küz aldında tota. 1967 yılda İzrail tarafınnan basıp alınğan bu cirlärdä Fälestinlelär üz däwläten tözergä teli. Şaron xökümäte bu qarşılıqlı plannı 13-6 tawış belän rasladı. Ämmä sişämbedä Parlamentta bu plan tiräsendä qaynar bäxäslär kötelä. İzrailneñ Yustitsiä ministrı Yosıf Lapid bu ğämälne tarixi dip atadı:

Audio (Yosıf Lapid): "Bu çın mäğnädä tarixi qarar, İzrailneñ eş itüendä, kimendä ber buınğa, üzgäreş bulıp tora. Min bar taraflarnı, şul isäptän bu qarardan zıyan kürgän yäxüdlärne, köç qullanuğa qotırtmasqa, aqıllı söyläşülär alıp barırğa çaqıram."

Bügen raslanğan qanunda küçep kitkän ğailälärgä aqçalata yärdäm, kitergä telämäwçelärgä – ştraf qaralğan. Şaron küçerülärne kiläse cäydä başlarğa ömetlänä.

XS
SM
MD
LG