Accessibility links

якшәмбе, 11 декабрь 2016, Казан вакыты 05:14

Äfğanstan: prezident saylawlarında, berençe turda uq, Hamid Karzai ciñde


9 üktäberdä Äfğanstanda tarixi prezident saylawları ütte. Tawışlarnıñ 95%tı sanalğannan soñ, alda zur östenlek belän ilneñ xäzerge waqıtlı citäkçese Hamid Karzai bara. Tawışlarnıñ yartıdan kübrägen cıyıp, ul berençe turda uq ciñde. Räsmi näticälär şuşı atna axırında iğlan iteläçäk. Karzainıñ töp köndäşe Yunıs Qanuni ciñelüen tanıdı.

Räsmi näticälär bar tawışlar sanalıp betkäç iğlan iteläçäk. Älegä tönyaq-könçığıştağı Badaxşan wilayätendä birelgän tawışlar sanalmağan. Ämmä ciñüçene bügen ük äytep bula. 95% tawışlar sanalğannan soñ, prezidentlıqqa däğwa itkän 16 namzät arasında, zur östenlek belän alda Hamid Karzai bara. Saylawçınıñ 55%tı anıñ öçen tawış birgän. Yağni, tawışlarnıñ yartısınnan kübägen cıyıp, ul berençe turda uq ciñü yawlıy. Karzainıñ saylawaldı kampaniäsen alıp baruçı, Hamid Elmi, monı aldan kötelgän näticä, dip atadı:

Audio (Hamid Elmi): "Saylawaldı kampaniäse başlanğançı uq bez berençe turda uq 57 belän 62 protsent arasında tawış cıyarğa ömetländek. Xäzer berençel näticälärne işetkäç ciñüebezdä şik yuq. Şulay da Urtaq saylaw şurasınıñ räsmi näticäsen kötäçäkbez."

Urtaq saylaw şurasına kergän BMO räsmiläre soñğı näticälärne üktäberneñ 30-larında iğlan itergä cıyına. Yäkşämbedä Karzainıñ töp köndäşe elekke Mäğärif ministrı Yunıs Qanuni üzeneñ ciñelüen tanıdı. Tawış birüdä xärämläşülär buldı digän şikäyätlär buluğa qaramastan, Qanuni, tikşerülärne kötep tormıyça, Äfğan xalqı qararın ixtiram itäçägen, saylaw nöticälärenä däğwa beldermäyäçägen iğlan itte.

Yäkşämbe iğlan itelgän näticälärgä qarağanda, Qanuni, 16% belän ikençe urında, yağni Karzaidan 40%qa qalışa. Xacar namzäte xaci Möxämmät Mohaqiq 12% belän öçençe urında. Üzbäk komandirı general Räşit Dustum 10% belän 4nçe urında. Qalğan 12 namzät barısı bergä 6% cıyğa alğan.

Şulay itep, aldağı 5 yılda Äfğanstannıñ prezidentı Hamid Karzai bulaçaq. Äfğanstan konstitutsiäse nigezendä, räsmi nätäcilär iğlan itelep 30 kön uzuğa, yağni dikäber başlarında ul wazifasına kereşä ala. Moña kirtä bulırday ber genä närsä bar, ul da bulsa 16 namzätneñ berärseneñ räsmi näticälär iğlan itelgänçe ülep kitüe. May ayında qabul itelgän Saylaw turındağı qanun nigezendä, bu oçraqta Äfğanstanda yaña saylawlar iğlan itelergä tieş.

-Ali Gilmi
XS
SM
MD
LG