Accessibility links

дүшәмбе, 5 декабрь 2016, Казан вакыты 17:40

Colin Powell Pekiñda Qıtay citäkçeläre belän oçraştı


Bügen biredä Qıtay prezidentı Hu Jintao häm başqa yuğarı räsmilär belän oçraşu waqıtında AQŞ däwlät sekretare Colin Powell Tönyaq Korea, Taiwan häm keşe xoquqları turında söyläşte. Powell jurnalistlarğa bez Tönyaq Korea atom krizisın çişü öçen 6 yaqlı söyläşülärne däwam itü kiräklege turında kileştek dide:

AUDİO: Minemçä, qıtaylılar 6 yaqlı söyläşülärgä tulısınça birelgän, alar monı çişeleş tabu yulı bularaq kürälär häm ul çişeleşne tabu öçen tırışaçaqlar. Altı yaqlı söyläşülärdä AQŞ, Tönyaq Korea, Rusiä, Yaponiä, Könyaq Korea häm Qıtay qatnaşa. Moñarçı söyläşülär 3 märtäbä ütkärelde, ämma anda Tönyaq Koreanı atom qoralı yasawdan tıyılırğa künderü maqsatına ireşelmäde. Powell äytüençä, Qıtay AQŞ belän keşe xoquqları turındağı söyläşülärne yañartırğa da kileşkän. Waşington BMOda Qıtaydağı keşe xoquqları torışın tänqitläwçe rezolütsiä qabul itü öçen tırışaçağın beldergännän soñ mart ayında Qıtay ul söyläşülärdän çıqqan ide. Pekiñğa kiler aldınnan Powell Tokyoda buldı, Pekiñnan ul Seulğa kitäçäk.

XS
SM
MD
LG