Accessibility links

якшәмбе, 11 декабрь 2016, Казан вакыты 10:58

«Kitmibez» filmı televidenie aşa kürsäteläçäk


Başqortstan militsiäseneñ qanunsız eşçänlegenä qarşılıq çarasında Tatarstan wäkille dä qatnaştı. Milli mäcles räise urınbasarı Zöhrä Aysina, säfärdän qaytqaç Mäskäw häm Nicğarda bulğan piketlar turında söyläde. Anıñ belän äñgämäne, «Azatliq» dulqınında, 26 üktäber tapşıruında işetersez. 25 üktäberdä «İnnovatsiä» digän ictimaği fondı studiäse töşergän «Kitmibez» digän näfis filmnıñ kiñ cämäğätçelekkä täqdim itü çarası ütkärelde. Film Qazannıñ 1000 yıllığına bağışlanğan, dip xäbär itelä. Bu icadı eş Salawat Yuziev stenarie nigezendä tuğan, tarixi döreslek öçen fännär doktorı İskändär Ğiläcev cawap birgän, ä tasmağa, iñ osta operatorlarnıñ berse, Rafik Ğäliev töşergän. «Kitmibez» filmı, Tatarstanda yäşäwçe xalıqlarnıñ ber bersenä tüzemlelegen, başqa xalıqnıñ mädäniätenä xörmät belän qarawın kürsätü maqsatın quya. İntertat.ru xäbärenä qarağanda, bezneñ cirlektä urıs, tatar häm başqa millätlärneñ dinnäre, telläre üseşenä här waqıt uñay şartlar bulğan. Filmda İdel Bolğarstanı, Altın Urda, Qazan xanlığı çorlarında çıqqan tarixi qararlar dälil itep kiterä. İcadi äsärneñ avtorları çittäge tatarlar, islam häm pravoslav din ähelläre, säyäsätçelär, ğalimnär belän äñgämälär dä ütkärgän. Älege filmı «Yaña ğasır kanalı» 30 üktäberdä kürsätergä cıyına.

Tatarstan Prezidentı Mintimer Şäymiev «Aq Bars» xokkey komandası citäkçese Zinatulla Biläletdinovnı qabul itte. Oçraşu waqıtında, Prezident, komandağa yaña citäkçe kilgäç, Tatarstan xokkeyçıları yaña ürlärgä ireşer, digän ömet belderde.

26 ütkäberdä, Yazuçılar Şurasınıñ 70 yıllıq yubilyee bilgeläp üteläçäk. Yazuçılar, qunaqlarnı «Piramida» binası zalına çaqıra. Şulay uq, sişämbe könne, «Böyek İdel yulı» konferensiäse başlana. Bu yulı ğalimnär, cämäğät eşlekläre, yılğalar aşa uza torğan mädäni, iqtisatı yul turında söyläşergä cıyına. Konferensiä UNESCO oyışmasınıñ Mäskäw bülege häm Qazan şähär idäräse başlanğıçı belän ütkärelä.

Bikä Timerova.

XS
SM
MD
LG