Accessibility links

дүшәмбе, 5 декабрь 2016, Казан вакыты 19:53

İzrael: Parlament Gazadan çigenü eşen tawışqa quya


Düşämbedä premyer ministır A.Sharon İzraelneñ Gaza Sızığınnan ber yaqlı çigenü turındağı bäxäsle planıñ parlamentqa tapşırdı.Plan Sharonnıñ Likud partiäsendäge qatı qul säyäsäte tarafdarları tarafınnan kire qağılsa da, parlamenttağı sulçı opozitsiä yardäme belän plan Knessentten ütäçäk dip kötelä.Bu mäsälä Likud partiäseneñ ikegä ayrıluına yäki Sharon xökümäteneñ töşüenä kiterä ala.

Koalitsiäsen taratu, , küp kenä üterü kisätüläre häm sivil tınıçsızlıqlar bulaçaq digän yañaularğa qaramastan Premyer A.Sharon Gazadan ber yaqlı çigenü planıñ Knessetten ütkärmäkçe. Plan 120urınlı parlamentta 67 tawış belän sişämbe kiç raslanaçaq dip kötelä.Sharonnıñ üz partiäse Likudnıñ 40deputatınıñ yartısı planğa yuq digän tawış biräçäk dip belderde. Sharon Gaza Sızığındağı 21 häm Könbatış Yardağı 120utarnıñ 4sen kiläse yıl başında sütep taşlaw planıñ düşämbedä täqdim itte.70-nçe yıllarda awıl xucalığı ministırı bulğan Sharon yähudlärneñ okupatsiälängän territoriälärdä urnaşuı öçen in nıq tırışqan keşe ide. Utarlarda yäşäwçe yähudlär häm küp kenä säyäsätçelär anıñ älege adımın xıyanät , izge kitapta äytelgän urınnardan çigenü dip bäyäli. Sharon düşämbedä qızu debatlar barğan knessette yasağan çığışında çigenüneñ bik qıyın eş buluın äytep(audio) Knesset qararınıñ , İzrael xökümäteneñ anda cibärgän häm Gaza Sızığında küp yıllar yäşägän meñnnärçä keşe öçen närsä buluın min yaxşı añlıym. Ämma min annan çigenü İzraelne nığıtaçaq häm anıñ yäşäp qaluı öçen möhim territoriäne saqlap qalaçağına çın küñeldän ışanam. Sharon çigenü İzrael belän fälästinnär arasında 4 yıl däwam itkän köç qullanudan soñ iminlek şartların yaxşırtaçaq dip uylıy.Düşämbedän birle Knesset tiräsendä plannı yaqlawçılar şulayuq aña qarşı buluçılar cıyınnar ütkärä. Fiker beleşülär xalıqnıñ baytaq qına öleşeneñ çigenü planın yaqlawın kürsätä. Sul yünäleşle Leyboristlar häm Yahad partiäse çigenü fikeren yaqlıy.Plannı ğämälgä quyu öçen Knesset yaqlawı ğına citmi, ä xökümät mart ayında başlanaçaq 4fazadagı çigenüneñ här bersen raslağa tieş bulaçaq.Ägär dä Sharon moña ireşä alsa ,bu İzraelneñ 1967nçe yılda okupatsiälägän territoriädän,1982nçe yıldan soñ berençe çigenüe bulaçaq.82dä ireşelgän kileşü belän Sinai Mısırğa qaytarıldı Fälästinnär çigenü planına şiklänep qarıy.Alar Sharon çiklängän çigenü belän xalıqara cämäğätçelekne tınıçlandıra , Könbatış Yardağı utarlarnı häm könçığış Yerusalemne saqlap qala dip söyli.Çigenü debatları belän bergä İzrael okupatsiälägän territoriälärdä xärbi operatsiälär alıp bara. Fälästinnärneñ mina atqıç höcümnären tuqtatu mäqsatında oyıştırılğan operatsiä tämamlanğan .Armiä sişämbedä Gaza Sızığında Xan Yunus qaçaq lagerınnan çigende. 16 fälästinle üterelde distälägän keşe yaralandı. Fälästin premyer ministırı Axmäd Qurei kiçä Ramallada(audio) Bez belmibez, Bu cir belän ber tigez itep çigenü säyäsäteme. Evakuatsiädän elek Gaza sızığın cimerälärme??. Bez böten dönya şulayuq BMO, AQŞ, Rusiä häm Yevropa Berlegenä bigräk tä AQŞlarına xökem itü belderüläreneñ ber qımmäte bulmawın äytergä telibez . Sharonnıñ partiädäge köndäşe Benyamin Netanyahu premyerga qarşı açıq ğısyan oyıştıru mäsäläsendä qatı basım astında tora.Şunlıqtan waqıtınnan elek saylawlar buluı bik tä ixtimal färidä xämit
XS
SM
MD
LG