Accessibility links

якшәмбе, 4 декабрь 2016, Казан вакыты 07:01

Dähli İslamabadnı Kaşmir söyläşüläre öçen räsmi yullarnı faydalanırğa çaqırdı


Bügen Hindstan Paqstannı Qäşmir nizağın çişü turındağı täqdimnären matbuğat aşa tügel ä räsmi yullar aşa citkerergä çaqırdı. Kiçä Paqstan prezidentı Pärwäz Möşärräf Qäşmir nizağın çişü yulları turında söyläşü ütkärergä çaqırdı. Cirle matbuğat çaralarındağı çığışında Hindstan belän Paqstan Kaşmirnıñ qayber öleşlären bäysez häm urtaq kontrol'dä itü yäki BMO idaräsendä itü mömkinlegen qararğa tieş dide. Bügen Hindstan tışqı eşlär ministrlığı süzçese Navtej Sarna Jammu Kaşmir mäs'äläse kiñküläm mäğlümät çaraları aşa çişelä torğan mäs'älä tügel dide. Hindstan qaramağında bulğan Kaşmirdağı töp separatist berlekneñ elekke räise Moulvi Abbas Ansari Kaşmirda yäşäwçelär fikere isäpkä alınırğa tieş dide.

AUDİO: Kaşmir Xalqı bu söyläşülärgä qatnaştırılmasa alar bernindi äzer çişeleşne dä qabul itmiäçäk. Bu söyläşülärdä Kaşmirnıñ ike yağı da qatnaştırılırğa tieş. Şul oçraqta tığa Kaşmir mäs'äläsenä ışanıçlı çişeleş tabılaçaq. Moñarçı ike il Kaşmir turında berniçä söyläşü ütkärde, uzğan ayda bu söyläşülär tışqı eşlär ministrları däräcäsendä ütte.

XS
SM
MD
LG