Accessibility links

Кайнар хәбәр

Yewropa Berlege Ukrainadağı saylaw aldı köräşen tänqitläde


Ukrainada bu atna axırında ütäçäk prezident saylawların küzätep baruçı Yewropa Berlege räsmiläre tağın ber märtäbä bu saylawlarnıñ xalıqara demokratik qısalarğa turı kilmäwe turında tänqit belderde. Berlekneñ Kievtağı ilçeläre bügen jurnalistlar aldında borçılu belderde. Xäzerge waqıtta Berlektä prezidentlıq itüçe Hollandiä wäkile berlekneñ belderüen uqıp işetterde. Belderüdä yäkşämbe könne ütäçäk tawış birü aldınnan oppozitsion kiñküläm mäğlümät çaraları problemalarğa yulıqtı, häm xökümättän bäysez oyışmalarğa basım yasala dielä. Yewropa İminlek wä Xezmättäşlek Oyışması da bu saylawlar turında borçılu belderä. Ukraina xökümäte prezident wazıyfasına premyer-ministr Viktor Yanuoviç namzäten açıqtan-açıq yaqlaw säyäsäte alıp bara. Bu könnärdä Keivta oçraşular ütkärüçe Rusiä prezidentı Vladimir Putin kiçä Rusiägä yöz totuçı Yanukoviç citäkçelegendä Ukraina xökümäteneñ zur uñışlarğa ireşüe turında söyläde.
XS
SM
MD
LG