Accessibility links

шимбә, 10 декабрь 2016, Казан вакыты 06:17

Fälestinlelär, Ğäräp Ligası häm Yewropa Berlege Gazadağı yähüd bistälären küçerüne xuplıy


Fälestinlelär, Ğäräp Ligası häm Yewropa Berlege İsrail' parlamentınıñ Gazadağı yähüd bistälären küçerü turındağı qararına ğömümän alğanda xuplaw belderä. Ämma Yewropa Berlege isemennän çığış yasap Hollandiä tışqı eşlär ministrı Bernard Bot izrail'lelärneñ Gazadan çigenüe kiñräk tınıçlıq planınıñ ber öleşe bulırğa tieş dide. Ğäräp Ligası general' sekretare Amr Musa xäzer fälestinlelär häm ğäräplär üz mänfäğätläreneñ isäpkä alınuı öçen tırışırğa tieş dide. Hamas fälestin suğışçan törkeme wäkile Muşir äl-Masri İzrail'neñ çigenü planı Hamasnıñ ciñäçägen kürsätä dide. İzrail'dä premyer ministr Ariel Şaronnıñ Fälestinlelärdän beryaqlı ayırılu planı xökümät citäkçelegen ikegä bülde. Kiçä Knessettağı tawış birüdän soñ Şaron bu planğa qarşı tawış birgän ministrnı wazıyasınnan töşerde häm 4 ministrnıñ bu plannı referendumğa çığaru täqdimen kire qaqtı. Referendum yaqlı finans ministrı Binyamin Netanyahu xökümättän çigenü belän yanadı.

XS
SM
MD
LG