Accessibility links

Кайнар хәбәр

Putin Ukraina TVda Yanukoviçqa tawış birergä açıqtan-açıq çaqırmasa da, anıñ eşçänlegenä yuğarı bäyä birde


Rusiä prezidentı Vladimir Putinnıñ Ukrainağa säfärneñ räsmi säbäbe – Kievnıñ nazilardan azat itelüneñ 60 yıllığı dielsä dä, küplär anı yäkşämbedä ütäçäk prezident saylawları aldınnan Rusiä taraflı namzät Viktor Yanukoviçnı xuplaw ğämäle dip bäyäli. Çärşämbedä Putin Ukraina prezidentı Leonid Kuçma belän oçraştı. Sişämbedä Ukraina televidenieseneñ turı efirında tanaşaçılar sorawına cawap birde. Yanukoviçnı saylarğa turıdan-turı önämäsä dä, ul premier-ministrnıñ eşçänlegenä yuğarı bäyä birde. Oppozitsiä namzäte Viktor Yuşçenko, bu saylawaldı kampaniäsenä yoğıntı yasaw niäte bulırğa mömkin dide.

Rusiä prezidentı Putin Ukraina televienieseneñ turı efirında ber säğät eçendä 30lap sorawğa cawap birde. Sorawlar arasında Rusiä-Ukraina mönäsäbätlärennän alıp, qaysı futbolçını yaratasız, digänenä qädär bar ide. Elekke sovet illären, bigräk tä Rusiä, Ukraina, Belarus häm Qazaxstannı ber iqtisadi kiñlekkä berläşterü niäte Sovetlar Berlegen torğızu tügelme, digän sorawğa Putin, berkem dä SSSRnı torğızırğa cıyınmıy, häm bu mömkin dä tügel, dide:

Audio (Vladimir Putin): "никакого СССР никто уже не создает и создать не в состоянии, и цели такой никто не ставит. Вообще такая попытка была бы контрпродуктивной."

Bu yäkşämbedä Ukrainada ütäçäk prezident saylawlarında Rusiä taraflı premier-ministr Viktor Yanukoviç belän oppozitsiä namzäte, könbatış taraflı Viktor Yuşçenko köräşä. Putin Yanukoviçnı turıdan-turı yaqlarğa çaqırmasa da, anıñ eşçänlegenä yuğarı bäyä birde:

Audio (Vladimir Putin): "Украина за последние годы, и особенно в последний год, добилась очень серьезных темпов экономического роста - 13 с лишним, по-моему, 13,4 процента. И я хочу отметить, что это не просто высокие темпы роста. Правительству В.Януковича удалось больше: они смогли наполнить этот рост хорошим качеством."

Belarus prezidentı Lukaşenkadan ürnäk alıp 3-nçe möddätkä däğwa itergä cıyınmıysızmı digän sorawğa, Pitin Rusiä konstitutsiäse qısalarında xäräkät itäçägen äytte.

Sorawlarnıñ şaqtıyı şäxsi tösmerle ide. Kobzar şiğeren Ukrain telendä uqıp kürsätkännän soñ, tıñlawçılarnıñ berse Putinnan sezdä alay bolay ukrain qanı yuqmı dip soradı. Putin yuq dide, häm dä bu sorawğa Vladimir Vısotski süzläre belän, "Kem dä kem bulsa minda, ul – tatar" dip cawap birde:

Audio (Vladimir Putin): «Если кто залез ко мне, то и тот татарин.»

Putinnıñ saylawlarğa berniçä kön qala Ukrainağa kilüenä törle mönäsäbät belderelä. Äytik, Andrei isemle eşquar monı Ukraina eşlärenä tıqşınu dip sanıy:

Audio (Andrey)

Vladimir isemle santexnik, anıñ bäyrämgä kilü xoquqı bar, bu anıñ eşe dide.

Audio (Vladimir)

Çärşämbedä Purin Ukraina prezidentı Leonid Kuçma belän oçraştı. Kiç belän Kievnıñ nazilardan azat iteleünä 60 yıl tuluğa bağışlanğan çaralar başlandı.

Ukraina räsmiläre bu säfär artında säyäsät toruın kire qağa. Ä menä Yevropa Parlamenı prezidentı urınbasarı Januş Onişkeviç, Putin säfären Rusiäneñ Ukraina eşlärenä tıqşınuwı dip bäyäläde.

Oppozitsiä namzäte Viktor Yuşçenko Putinğa açıq xat yazıp, min dä Rusiä belän dustanä, totrıqlı mönäsäbätlär öçen, läkin sezneñ saylawlar aldınnan Kievka kilüegez, telisezme-yuqmı, saylawaldı kampaniäsenä yoğıntı bulıp tora dip kisätte.

-Ali Gilmi
XS
SM
MD
LG