Accessibility links

Кайнар хәбәр

Kievta Putin Yanukoviç belän yänäşä basıp xärbi parad qaradı


Rusiä prezidentı Vladimir Putin Ukrainanıñ Rusiä belänme, Könbatış belänme tığızraq elemtädä bulu yulın saylaw dip sanalğan Ukraina prezidentı saylawlarına berniçä kön qala Kievta xärbi parad qarawda qatnaştı. Meñnärçä xärbi qatnaşqan, ğädättä yıl sayın noyäber ayında ütä torğan bu paradnıñ bernini añlatusız bu atnağa küçerelüe säbäple anı Putin da qarıy aldı. Yäkşämbe könne ütäçäk saylawlarda barlığı 24 namzät bulsa da, xakimiättän kitüçe prezident Leonid Kuçma üzenä waris itep saylağan premyer ministr Viktor Yanukoviç belän liberal' qaraşlı Viktor Yuşçenko töp namzätlär dip sanala. Bu saylaw aldı kampaniäse uzara ğäyepläwlär häm pıçraq ısullar belän bardı. Yuşçenko Könbatış belän yaqınayu tarafdarı bulsa, Yanukoviç Mäskäwgä yöz tota. Bügenge xärbi paradnı Putin Yanukoviç belän yänäşä basıp qaradı.
XS
SM
MD
LG