Accessibility links

дүшәмбе, 5 декабрь 2016, Казан вакыты 01:30

Qazaqstanda Tatarstan respublikası könnäre bara


Tatarstan wäkilläre, Astanağa, 27 üktäberdä Qazan hawa alınnan respublikanıñ üz oçqıçı belän kitte. Räsmi wäkillär arasında Tatarstan Prezidentı, tözeleş, sälämätlek, yäşlär eşläre häm sport, tışqı xezmättäşlek häm säwdä ministrları, ere şirkät citäkçeläre, Qazan şähär başlığı, Cır häm biü ansamble artistları, berniçä jurnalist bar. «Tatar-inform» agentlığı xäbärçese , Tatarstan wäkilläre isän-saw barıp citte, dip xäbär itte. Şul uq ağentlıq birgän mäğlümatlarğa qarağanda, Tatarstan Prezidentı, 27 üktäber kiçendä, Astana Televidenie kanalı tapşıruında qatnaşqan. Anda ul, Qazaqstan üseşenä soqlanuın beldergän, Tatarstanğa reformalarnı ütkärü tizlegenä tuğandaş respublikadan öyränergä kiräk, digän belderü yasağan.

Könneñ berençe yartısında, Tatarstan Prezidentınıñ Qazaqstan il başı Nursoltan Nazarbayıv belän oçraşuı qaralğan ide. Ä aña qädär, ike respublika da, xezmättäşlekne oyıştıruğa äzerlek eşlären alıp bardı. Mäsälän, avgust ayında, Qazaqstanğa Tatarstannıñ xökümät räise Röstäm Miñnexanov barıp qayttı, ul üzeneñ kollegası, Danial Äxmätov belän eşlekle söyläşülär uzdırdı. Ä aña qädär, Qazaqstannıñ federal Saban tuyına Tatarstan wäkilläre, şähär başlıqları, artistlar kilgän bulğan. Qazaqstan Prezidentı Nursoltan Nazarbayıvnıñ da Qazanğa kilep kitkänenä küp ütmäde. İke respublikanıñ iqtisadi yaqtan ber bersenä qızıqsınuı bar. Mäsälän, Qazaqstan-KamAZ digän urtaq oyışma eşläp kilä. Respublika yulları buylap Çallıda eşlängän 65 meñ KamAZ maşinası çaba. Qazan boralaq zavodı Qazaqstannıñ yuğarı citäkçeläre öçen 2 vertolet yasağan bulğan. Tağın berniçä boralaqnı Qazan zavodı Qazaqstan xärbiläre öçen eşläp birgän bulğan, dip xäbär itä «İntertat» agentlığı xäbärçese.

Tatarstan Prezidentı, Qazan şähär başlığı Astana akime belän oçraştı. Annan soñ, Mintimer Şäymiev Qazaqstan Premyer ministrı belän oçraşıp, ike xökümät arasında tözelgän kileşülär xaqında fiker alışqan. Şulay uq, Mintimer Şäymievnıñ Nursultan Nazarbayıv belän oçraşuı da bulğan. Astana teatrı binasında Mintimer Şäymiev Tatarlar belän oçraştı. İsegezgä töşeräbez, Qazaqstanda 260 meñläp tatar yäşi. Qayber şähärlärdä, milli mädäni üzäklär eşläp kilä, alar Qarağanda, Arıtaw, Çimkent, Uraslkiy, Alma ata, Astanda da bar. Astanada 11 meñläp tatar yäşi. Astana tatarları tatar-başqort üzägen Rawil Monaşev isemle tatar eşmäkäre citäkli. Üzäk qarşında inde 10 yıllap tatar yäkşämbe mäktäbe eşläp kilä. Astana tatarlarınıñ folklor anssambellär dä bar. Tatarlar belän oçraşuda süz problemalar xaqında barğan. Qayber urta belem birü mäktäplärendä tatar tele däreslären oyıştırır öçen, Astanada belgeçlär citmi, häm tatarlar öçen milli mäktäplär sanı da citärlek tügel. Mintimer Şäymiev, belgeçlär äzerläwdä, Tatarstannıñ yärdämen wäğdä itkän.

Bikä Timerova.

XS
SM
MD
LG