Accessibility links

сишәмбе, 6 декабрь 2016, Казан вакыты 13:22

Tatnet: Ğäbdelfät Safin üz icatın söyüçelärne saytına çaqıra


Tatarstan xalıq artistı Ğäbdelfät Safinnıñ internetta saytı açıla, digän xäbärlär yörde. İnde xäzer şunı äytep bula, sayt açıldı häm internetçılarnıñ iğtibarın cälep itte. Saytnıñ adresı: www.gabdelfat.ru. İnternet säxifä flesh, xäräkätlänä torğan, töslären üzğärtä torğan räsemnär belän bizälgän. Säxifä açılğaç uq, muzıka uynıy başlyı.

www.gadbelfat.ru saytı urıs telendä genä eşlängän. Kiläçäktä anda tatarça mäqälälärne elärgä wäğdä itälär. Ämma säxifäneñ tatarça bülege bulmayaçaq ikän. Sayta cırçınıñ tärcemäi xäle, ul çığara torğan gäzitlär turında mäğlümat, gäzitkä yazılu şartları, bäyäläre xaqında mäğlümat tabıp bula. Şulay uq çırçınıñ, soñğı cıyıntıqlarınıñ eçtälege dä urnaştırılğan. Anda cırlarıñ tekstları belän tanışıp bula, qaysıberlären kompyuterğa suırtıp alıp, tıñlarğa da bula. Şuşı gabdelfat.ru säxifäse xäbär itkänçä, «Yäp-yäş çaqlar» cırına klip töşerelä ikän. Anı kürgäç, bälkem «Tatnet» tapşıruı söylägän ide, diärsez. Älegä internet säxifäneñ adresın qabatlıym www.gabdelfat.ru

Cırçılar ğına tügel, ğalimnär dä internet dönyasına iğtibarlı. Küptän tügel, säyäsät fännäre doktorı Rafiq Möxämmätşinnıñ dä global çeltärdä säxifäse barlıqqa kilde. Döresräge, «Arxipelag» digän internet jurnalda, Rafiq Möxämmätşinğa bağışlanğan ber bülek açıldı. Anda anıñ tatarlarnıñ üzbilgelänüe, islam dine, möselman belem birü oyışmaları, cäditçelek turında fänni mäqäläläre belän tanışıp bula. Anıñ öçen www.archipelag.ru saytında, Möxämmätşin isemen, avtorlar bülegendä ezlärgä kiräk.

Bikä Timerova.

XS
SM
MD
LG