Accessibility links

Rimda Yewropa citäkçeläre Yewropa Berlegeneñ yaña kosntitutsiäsen imzaladı


Bu konstitutsiä turında uzğan iyün ayında kileşende. Ul Berlekneñ citäkçelegen köçäytä. Prezidentlıq häm tışqı eşlär ministrınıñ möddätläre ozaytıla, cinayätçelekkä häm röxsätsez möhäcirlekkä qarşı köräştä wäkalätlär arttırıla. Yewropa Berlegeneñ härber äğzası ratifikatsiälägännän soñ bu konstitutsiä ğämälgä keräçäk. Konstitutsiäne imzalar aldınnan İtaliä premyer-ministrı Silvio Berluskoni Berlektäge başqa illärneñ premyer-ministrların komstitutsiäne kiçegüsez ratifikatsiäläw öçen basım yasarğa çaqırdı. Berluskoni 450 million Yewropa Berlege watandaşınıñ yazmışları urtaq dide. Moñarçı tarixta berqayçan da ireklek häm demokratiäneñ töp qimmätläre yözlärçä million keşeneñ yazmışın bergä bäyläwdä şul qädär möhim rol' almağan ide äle dide Berluskoni. Konstitutsiäne ratifikatisäläw berlektäge 25 ilneñ 8-endä referendumğa çığarılırğa mömkin. Ägär ul illärneñ berse genä bulsa da referendumda qarşı tawış birsä konstitutsiä kire qağılaçaq.
XS
SM
MD
LG