Ğiraqnıñ Basra şähärennän küçerelüçe yözlärçä Britan xärbie Bağdadtan 25 çaqrımdağı xärbi bazağa kilep citte.
Britaniä saqlanu ministrlığı bu bazanıñ tögäl genä qayda urnaşuın häm anda küpme xärbi kilüen äytmi. Barlığı 850 britan xärbie küçerelergä tieş.
AQŞ xärbiläre Bağdad tirälären saqlawnı Britan xärbilärenä tapşırıp, andağı köçlärne Bağdadtan könbatıştağı şähärlärdä, şul isäptän Fällücädä ğisyançılarğa qarşı suğışqa cibärergä teli.
Politsiä äytüençä, bügen qorallı keşelär Diyala wilayäteneñ gubernator urınbasarı Aqil Xämit äl-Adelinı atıp ütergän.
