Accessibility links

Кайнар хәбәр

Osama bin Ladenneñ yaña video-tasması


Osama bin Laden aradan ber yıldan artıq waqıt ütkännän soñ cibärgän yaña video tasmada AQŞ citäkçese G.Bushnı tänqitläp Amerikada yaña höcümnär bula ala dip kisätä.Şuşı video-tasmanıñ sişämbedäge tawış birügä täsire bilgele tügel.

(audio) Comğa kiç Al-Jazeera televidiäsendä xäbär uquçı Osama bin Laden tasmasın tamaşaçılarğa menä şulay täqdim ittte. Video tasmada Osama bin Laden sälämät kürenä.Anıñ çığışınnan özek(audio) Amerika xalqı min bu kündermädä sezgä ikençe Manhatten buldırmau öçen in yaxşı çara häm suğışnıñ säbäp wä näticäläre turında söyliäçäkmem. İminlek in möhim keşelek mäsäläse häm irekle keşelär ber qayçan da iminlektän wazkiçmi.Prezident G.Bush äytkäneçä , bez ireklekkä qarşı tügel . ni öçen ul bezneñ misal öçen Şwedsiägä höcüm itmäwebezne añlatıp birmi . Bez irekle keşelär bulmasa idek , 19 gönaxsız keşeneñ üzen qorban itüenä röxsät itmäs idek.Bez sezgä qarşı suğışırğa tieş. Çönki bez irekle keşelär häm bez ireklekne barlıq keşelärgä birergä telibez.Sez bezneñ iminlekne yañağan öçen bez sezneñ iminlekne qurqınıç astına quyabız. Bin Laden video tasmada 11nçe sintäber öçen cawaplı buluın açıq anıq itep berençe märtäbä äytä. ( xäterlätep ütäp 11 sintäberdä urlanğan oçqıçlar NY säwdä Üzäge häm Pentagonğa barıp bärelep yaqınça 3meñ keşeneñ häläk buluına säbäp buldı),Bin Laden 1982nçe yılda Amerikanıñ yaqlawı belän İzrael oçqıçları Livanda binalarnı bombalağanda min berençe märtäbä AQŞqa höcüm oyıştıru turında uyladım dip äytä häm yaña höcümnär bula ala dip yanıy. Ul amerikannar ikençe Manhattannı tuqtata alalar dip tä äytä. Video tasma AQŞta prezident saylawlarına 4 kön qalğanda kürsätelde. Bin ladennıñ Bushnıñ köndäşe Kerryne telgä aluı tasmanıñ yaña buluına işarä itä. G.Bush tasmağa şunduq reaksiä kürsätep(audio) Min bik açıq itep äytäm: ilebezneñ doşmanı amerikannarnı qurqıta da täsir itä almıy. Min senator Kerry dä monıñ belän kileşä dip ışanam. Min amerikannnarğa bez bu terrorçılarğa qarşı suğışabız häm alarnı cinäçäkbez dip äytäsem kilä. J.Kerry bin Laden häm xezmättäşlären yuq itergä wäğdä birde(audio) Bez amerikannar Osama bin Laden häm anıñ terrorçıların tabu häm yuq mäsäläsendä berdäm fikerdä.Alar vaxşilär.Bu terroristlarnı küpme genä waqıt almasın qayda ğına bulmasın qulğa alu yäki üterü mäsäläsendä mine ber närsä dä tuqtata almıy. Ämma dä läkin tasma qayber säyäsi bäxäslärgä dä säbäp buldı.Kerry Bushnı bin Ladennnı qulğa alalmadı,AQŞnı höcümnär aldında zäğif xäldä qaldırdı dip tänqitläde. G.Bush yaña tasmanı küzdä totqağanda andıy süzlär oyatsızlıq digän cawap qaytardı. Küzätüçelär video tasma sişämbe saylawlarında tawış birügä täsir itärme kisterep kenä cawap birep bulmıy di.Bälkim dä Bush terrorğa qarşı köräş alıp bara dip aña yardäm itäçäk ä bälkim dä bin Laden 3 yıl yarım yıldan soñ äle dä totılmadı digän argument J.Kerrygä fayda kiteräçäk färidä xämit
XS
SM
MD
LG