Accessibility links

пәнҗешәмбе, 8 декабрь 2016, Казан вакыты 03:10

Tatarstanda nilär bulıp yata?


Düşämbe kiçendä Tatarstan prezidentı Mintimer Şäymiev Mäskäwgä oçtı. Ul anda cirle üzidarälär mäs’älälärenä bağışlanğan cıyılışta qatnaşaçaq. Ägär dä gubernatorlar, prezidentlar Rusiä prezidentı tarafınnan täqdime belän raslansa, rayon, şähär başlıqları kemneñ fatixası belän bilgelänergä tieş bula. Tatarstan, Başqortstan häm başqa töbäklärneñ citäkçeläre uzğan atna axırındağı Däwlät Duması utırışına qadär töbäktäge qanun çığaru cıyılışların Mäskäw kürsätmäse buyıça taratmasqa häm şähär başlıqların bilgeläw xoquqın töbäk citäkçelärenä birergä taläp itkän idelär. Şuşı atnalarda nindi täqdimnärneñ qabul itelüe, ä nindilärneñ çüplek sawıtına oçuı xäl iteläçäk.

1nçe noyäberdän başlap qayber poçta xezmätlärenä bäyälär töşä, dip xäbär itä «Tatar-inform» agentlığı. Süz poçta belän banderol, akça kilü turındağı beleşmäne cibärü bäyäse turında bara. Ä küñelsez yañalıq – ipi häm sötkä bäyälär artuı xaqında. Söt äyberläre 10-15% qıybatraq satıla başlasa, ä ipi – 11% arta.

Tatarstanda bu könnärdä ğädättän tış xäl buldı. Şarm –Al-Şäyxqa, dip oçıp kitkän Tu-154 oçqıçınıñ ber motorı eştä. Oçqıçta 141 passajir häm 12 keşelek ekipaj bula. 3 säğät buyı Qazan hawa alanı östennän oçıp yörgännän soñ Tu-154 cirgä utıra. Tabiplar, yanğın sünderüçelär, qotqaruçılar, keşelärgä yärdäm kürsätergä turı kilsä, dip äzerlänep torğan. Ämma waqiğa häwässez genä tämamlanğan. Qazan hawa alanı citäkçelege beldergänçä, Tatarstan oçqıçı belän andıy xälneñ inde bulğanı bar. Şarm –Al Şäyqa baruçılar, şul uq, könne ikençe oçqıçqa utırıp kitkän.



Rimzil Wäli, Qazan

XS
SM
MD
LG