Accessibility links

җомга, 9 декабрь 2016, Казан вакыты 12:53

Ukrainada prezident saylauları näticäsenä reaksiä


Ukraina premiere Viktor Yanukoviç häm anıñ köndäşe oppozitsiä kandidatı Viktor Yuşenko öç atnadan soñ ütkäreläçäk ikençe tur saylaularda yarışaçaqlar. Prezidentnıñ kem bulaçağı, Ukrainanıñ Russiägäme, ällä Könbatışqa tabamı borılaçağın bilgeliäçäk. Yaqınça näticälärgä qarağanda, Mäskäv yaqlı Yanukoviç Yuşenkoğa qarağanda yaqınça ber protsent küberäk tauış alğan. Yevropada İminlek häm Xezmättäşlek Oyışması, saylaular xalıqara standartlarğa esasän bulmadı dip belderde.

Prezident saylaularına ber kön ütkännän soñ, Ukrainada vazğiät kisken. Xökümät üz kandidatı Viktor Yanukoviç iñ küp tauış aldı dip beldergändä, oppozitsiä citäkçese Yuşenko xökümätne xärämläşüdä ğäyepläde häm üzen ciñüçe dip iğlan itte. Üzäk Saylau Komissiäse mäğlümätlärenä qarağanda, Yanukoviç yaqınca 40 yarım, Yuşenko 39 yarım protsent tauış alğan. Ukraina Üzäk Saylau Komissiäse räise Serhiy Kivalov zur ixtimal belän saylaularnıñ ikençe turı iğlan iteläçäk. Ul 21-nçe Noyäberdä bulaçaq dip belderde.

Audio

Yuşenko oppozitsiä küzätüçeläreneñ tikşerüläre, üzeneñ 54 protsent Yanukoviçnıñ 27 protsent tauış alğanın kürsätä dip iğlan itep bolay dide

Audio

"Qäderle duslar. Ukraina demokratiäse küptännän birle tırışqan närsäsenä ireşte- Ukraina demokratik köçläreneñ ciñüenä."

Yuşenko Yanukoviç yağın ilneñ könçığışında, bigeräktä Donetsta tauışlarnıñ sanın manipulätsiädä ğäyepläde. Premier häm kandidat Yanukoviçqa kilgändä, ul öyendä yal itä häm saylaular nätiäse turında belderü yasaunı üzeneñ kampaniä başlığı Serhiy Tıxıpkoğa qaldırdı. Tıxıpko saylaular ğadel buldı dip belderde.

Audio

"Bez ilgä solıx häm tınıçlıq qaytaruğa ireştek. Xaq süz- Min bu xaqta bik borçılğan idem. Min Ukrain xalqınıñ ziräklegenä här vaqıt ışandım häm şul säbäple Ukraina köçle, berdäm häm çäçäk atqan ilgä äylänäçäk."

Yuşenko saylaularda xärämläşülär buldı , Yanukoviçnıñ kampaniä başlığı Tıxıpko saylaular ğadel buldı dip belderdelär. Qayber citeşsezleklär häm Qırımda saylaularnıñ näticäse xaqında xäbärçebez Dilavär Osman belderä.

Audio

Xalıqara küzütüçelär Ukrainadağı saylaularnı niçek bäyälilär soñ? Yevropada İminlek häm Xezmätätşlek Oyışması, Yevropa Şurası häm NATOdan torğan urtaq missiäneñ yomğaqları törleçä buldı. Yevropada İmnlek häm Xezmättäşlek Oyışmasınıñ Kyevtağı missiä başlığı Bruce George bolay dip bederde.

Audio

"2002-nçe yıldağı parlament saylauları belän çağıştırğanda, prezident saylauları, dävlät mediasınıñ premierne yaqlağan ber yaqlı kampaniäse häm dävlät administratsiäseneñ tıqşınuı säbäple, artqa taba çigenü buldı."

Ul şulay uq Ukrainadağı prezident saylaularında Yevropada İminlek häm xezmättäşlek Oyışmasınıñ , Yevropa Şurasınıñ häm demokratik saylaular turındağı Yevropanıñ başqa standartları ütälmäde dip tä äytte. Läkin, ikençe yaqtan bu törkem Yuşenkonıñ xakimiätlärne xärämläşüdä ğäyeplävlären raslamadı.

Färit İdelle, Praga.
XS
SM
MD
LG