Accessibility links

якшәмбе, 4 декабрь 2016, Казан вакыты 01:00

Xalıqara küzätüçelär Ukrainada prezident saylawların täñqitli


Yevropada İminlek häm Xezmättäşlek Oyışması, Yevropa Şurası häm NATOnı wäkillek itkän küzätüçelär, Ukrainada uzğan prezident saylawları Yevropa standartlarınnan yıraq ide, dip belderde. İke töp namzätneñ bersen, premyer-ministr Viktor Yanukoviçnı däwlät mäğlümat çaraları yaqladı, dielä belderüdä. Şulay uq oppozisiä eşenä tıqşınular bulğan. Yevropada İminlek häm Xezmättäşlek Oyışmasınıñ Kievtağı wäkilçelege başlığı Bruce George, prezident saylawları – 2002nçe yılda uzğan parlament saylawlarınnan da artqa kiteş buldı, dide. Üzäk Saylaw Komissiäse bügen tawışlarnıñ 94.24%tı sanaluın häm ike namzät – Yanukoviç belän könbatış yaqlı Viktor Yuşçenko arasında ayırma ber %tan da kim buluın xäbär itte. Prezident saylawlarınıñ ikençe turı noyaberneñ 21ndä ütäçäk.

XS
SM
MD
LG