Accessibility links

пәнҗешәмбе, 8 декабрь 2016, Казан вакыты 21:23

Ğiraqnıñ Ramadi häm Falluca şähärlärendä bulğan bäreleşlärdä kimendä 6 keşe ülde


Ğiraqnıñ Ramadi häm Falluca şähärlärendä däwam itkän bäreleşlärdä kimendä 6 keşe hälak buldı, alar arasında Reuters agentlığınıñ Ğiraqtağı operatorı da bar. 55 yäşlek operator, ğiraqlı Dhia Najm ğısyançılar häm amerikan ğaskärläre arasındağı bäreleşlärne töşergän waqıtta atıp üterelgän. Şulay uq Bağdad yanında gubernator urınbasarı Hatam Karim üz öye yanında atıp üterelgän. Anıñ ike tän saqçısı yaralanğan dip xäbär itelä. Uzğan töndä Fallucada bulğan atışlarda kimendä 3 ğiraqlı hälak bulğan. Ğiraqnıñ waqıtlı prezidentı Ğazi al-Yawar Kuwaitqa bulğan säfäre waqıtında İrannı, Ğiraq räsmilärenä höcümnär äzerlärgä yardäm itüdä ğayepläde. Yawar süzlärenä qarağanda, İran Ğiraqqa qarata "tiskäre rol" uynıy.

XS
SM
MD
LG