Accessibility links

якшәмбе, 4 декабрь 2016, Казан вакыты 13:10

Yevropa Berlege tışqı eşlär ministırları Brüsseldä cıyıldı


Yevropa Berlege tışqı eşlär ministırları atnakiç häm comğada bulaçaq summtqa äzerlek alıp baru öçen Brükseldä cıyıldı. Sumitqa turı kiterep Brükselgä Ğıraq waqıtlı premyere Ayad Allawi dä kilä.Ministırlarnıñ köntärtibendä: Ğıraq, İran , yaqqın könçığış, Rusiä belän bulaçaq sumit häm Belarusta demokratik üzgäreşlärne qıyulandıru tora.

Yevropa Berlege citäkçeläre noyäberneñ 4 häm 5nçe könnärendä ütäçäk sumitta 4 yıl elek äzerlägän ekonomik reformalarnı canlandırıp cibärüne planlaştıra.Ämma bloknıñ 2010yılğa qädär Berlekne dönyanıñ in dinamik iqtisadı xälenä kiterü ambitsiäläre , bügenge wazğiätkä qarap bulıp çıqmas dip äytäse kilä. Tışqı eşlär ministırları bügen premyer İyad Allawinıñ Brükselgä kilüennän elek politsiäne künegülärdän ütkärü, saylawlar öçen belgeçlärne öyrätü kebek yardäm paketen äzerläp betermäkçe .Berlek Ğıraqta ğıynuarda bulırğa tieşle saylawlar öçen 30million yevro wäğdä itte. Yevropa Berlege Ğıraq belän xezmättäşlek turında kileşü tözü buyınça berençe adımnar atlasa da, kileşüneñ eçtälege kiläse yılda legitim Ğıraq xökümäte eş başına kilgännän soñ ğına bilgele bulır. Tışqı eşlär ministırları bügen İran mäsäläse belän dä şögellänä.İn möhim mäsälä bulıp xäzer İrannıñ uran bayıtuın tuqtatu tora.İran parlamentı ütkän atnada bu turıda qarar qabul itte. Atom Energiäse Agentlığı 25nçe noyäberdä cıyıla häm ul İrannı BMOnıñ İminlek Şurasına tapşırırğamı yuqmı qarar biräçäk. Berlek İrannıñ sivil mäqsatlar öçen atom energiäsen qullanırğa xoququ bar dip kileşsä dä, ul ışanıç buldırırğa tieş digän pozitsiädä tora.Xalıqara Atom Energiäse Agentlığı inspektorları faş itkän närsälär , İrannıñ mäqsatların soraw astında qaldırdı.Xäzer ul xalıqara ışanıç buldıru öçen garantiälär birergä tieş. Yevropa Berlege İrannı izolatsiädä qaldırıp, dialognı özerge telämi , şunlıqatan ul qayber etärgeçlär täğdim itäçäk. Yaqın könçığış mäsäläse dä tışqı eşlär ministırlarınıñ köntärtibendä tora.Berlekeneñ iminlek wä tışqı säyäsät öçen wäkile Javier Solana yaqın könçığış solıx planın canladırıp cibärü öçen täqdimnär yasarğa cıyına Solana bügen jurnalistlarğa (audio) Gazadan çigenü prosessın azağı tügel okupatsiäne beteräçäk protsessnıñ başlanuı ,ul berençe bulıp Gazada başlana hem bezneñ qaraşıbızça ul başqa okupatsiälängän terrotoriälärdä betäçäk äytte .Diplomatlar süzlärençä,Solana 2005nçe yılda ,İzraelneñ Gazadan çığıp kitüenä bäyläp Fälästin däwläten oyıştıru eşen xalıqara diksussiälärneñ üzägenä quymaqçı. Sişämbe cıyılışında Berlekneñ tışqı eşlär ministırları 11nçe noyäberdä Haagada bulaçaq Rusiä sumitı öçen dä äzerlek eşläre alıp bara. V.Putinnıñ sumitqa boykot belderü ixtimale inde bulmasa da , zur fiker ayrımalıqları bar häm alarnıñ qısqa waqıtta çişelüen beräw dä kötmi.Berlek räsmiläre Rusiä yıllardan birle üze telägän eşlärdä genä blok belän xezmätäşlek itergä teli dip söyli. Berlek şulayuq Belarusta ütkän ayda bulğan häm nıq tänqitlängän parlament saylawları häm Lukaşenkoğa 3nçe möddätkä saylanu mömkinçelege birgän referendumnan soñ üzeneñ mönäsäbätlären yañadan küzdän kiçerergä teli. Berlek Belarusta sivil cämğiät häm demokratik köçlärne yaqlaw öçen yaña yullar ezliäçäk .Berlek illäreneñ- kübese, şulayuq Yevropa Komisiäse Belarusnı izolatsiädä qaldırırğa, Lukaşenko rejimı säbäple belarus xalqın taşlarğa telämi.Älegä viza çikläwennän başqa östämä çikläwlär uylanmıy.Tışqı eşlär ministırları Belarusta demokratiä yaqlı törkemnär, student häm ğadi belaruslar belän elemtälärne nığıtu yağın qarıyaçaq.Yevropa Berlege älege waqıtta Belarus öçen 2005-2006nçı yılğı budjetında 10million yevro ayırğan. färidä xämit
XS
SM
MD
LG