Abxaziä prezidentı urınına däğwa itkän köndäşlärneñ ikese beryulı sişämbegä qarşı töndä Mäskäwgä kilep töşte. Xökümät namzäte Raul Xajimba häm oppozitsiä namzäte Sergei Bagapş Rusiäneñ qaysı räsmie belän närsä turında söyläşkänder, bu yazma yazılğanda namäglüm ide. Abxaz başqalası Suxuminıñ üzendä isä menä inde ber ay däwam itkän kierenkelek Mäskäwdä berär niçek xäl itelmäs mikän dip ömetlänüçelär bar. Abxaziäneñ keşe xoquqları aktivistı Natella Akaba sişämbedä Azatlıqqa bolay dide:
Audio (Natella Akaba): "Wazğiät bik tiz üzgärä, xättä ber kön eçendä. Kierenkelek yä arta yä kimi. İke namzätneñ Mäskäwgä kitüe, kierenkelekne beraz kimette, ikeseneñ dä tarafdarları wazğiät nixayät xäl iteler dip kötä."
Üktäberneñ 29nda Abxaziäneñ Yuğarı mäxkämäse Üzäk saylaw komissiäneñ 3 üktäber saylawlarında oppozitsiä namzäte Sergei Bagapş ciñep çıqtı digän qararın xuplağannan soñ respublikada kierenkelek arttı. Berniçä distä xökümät tarafdarı mäxkämägä bärep kerep qararnı üzgärtergä taläp itte. Mäxkämä räise Giorgi Akaba xökümätne mäxkämägä basım yasawda ğäyepläde. Ğämäldäge prezident Vladislav Ardzinba qabat saylawlar ütkärü turında qarar çığardı. Ğärçä Abxaz qanunnarı nigezendä qabat saylawlar bilgeläw - prezident tügel, saylaw komisiäse wäqäläte.
Ul arada düşämbedä premier-ministr Nodar Xaşba, oppozitsiä wäkilläre däwlät televideniese tiräsennän kitmi torıp, tapşırular tuqtatılıp toraçaq digän qarar çığardı. Räsmilär oppozitsiäne töbäkneñ baş telekompaniäsen basıp alu niätendä ğäyepli. Keşe xoquqları aktivistı Natella Akaba bu ğäyepläwne kire qaqtı. Anıñ süzlärençä, kiresençä, xökümät respublikada mäglümätne tomalarğa tırışa:
Audio (Natella Akaba): "Üktäberneñ 29nda mäkämägä bulğan xöcümnän soñ, bu xaqta xäbär taralmasın öçen, prezident saqçıları kilep tapşırğıçlarnı sütte. Bagapş räsmilär belän söyläşep tapşırularnı yañartırğa taläp itte. Kiläçäktä mondıy xäl bulmasın öçen televidenie binasına küzätüçelären quydı. Läkin bu televideniene basıp alunı añlatmıy, alar anı barı tik saqlıy."
Şulay itep, Abxaziäneñ üzendä kierenkelek däwam itä, ul arada Abxaziäneñ prezidentı kem bulır digän mäsälä yänä Mäskäwdä xäl itelä sıman. Xökümät namzäte Xacimba açıqtan-açıq Mäskäw taraflı sanala. Anıñ köndäşe Bagapş ta Rusiä belän mönäsäbätlärne nığıtırğa wäğdä itä, ämmä küplär, şul isäptän räsmi Tbilsi anı küpkä möstäqilräk citäkçe bulır dip sanıy. Düşämbedä Grusiäneñ "24 Saati" gäzitenä birgän äñgämäsendä Sergei Bagapş, Ardzinbanıñ qabat saylawlar ütkärü qararına qaramastan, kiläse ayda prezident wazifasına kereşäçägen belderde.
-Ali Gilmi
Audio (Natella Akaba): "Wazğiät bik tiz üzgärä, xättä ber kön eçendä. Kierenkelek yä arta yä kimi. İke namzätneñ Mäskäwgä kitüe, kierenkelekne beraz kimette, ikeseneñ dä tarafdarları wazğiät nixayät xäl iteler dip kötä."
Üktäberneñ 29nda Abxaziäneñ Yuğarı mäxkämäse Üzäk saylaw komissiäneñ 3 üktäber saylawlarında oppozitsiä namzäte Sergei Bagapş ciñep çıqtı digän qararın xuplağannan soñ respublikada kierenkelek arttı. Berniçä distä xökümät tarafdarı mäxkämägä bärep kerep qararnı üzgärtergä taläp itte. Mäxkämä räise Giorgi Akaba xökümätne mäxkämägä basım yasawda ğäyepläde. Ğämäldäge prezident Vladislav Ardzinba qabat saylawlar ütkärü turında qarar çığardı. Ğärçä Abxaz qanunnarı nigezendä qabat saylawlar bilgeläw - prezident tügel, saylaw komisiäse wäqäläte.
Ul arada düşämbedä premier-ministr Nodar Xaşba, oppozitsiä wäkilläre däwlät televideniese tiräsennän kitmi torıp, tapşırular tuqtatılıp toraçaq digän qarar çığardı. Räsmilär oppozitsiäne töbäkneñ baş telekompaniäsen basıp alu niätendä ğäyepli. Keşe xoquqları aktivistı Natella Akaba bu ğäyepläwne kire qaqtı. Anıñ süzlärençä, kiresençä, xökümät respublikada mäglümätne tomalarğa tırışa:
Audio (Natella Akaba): "Üktäberneñ 29nda mäkämägä bulğan xöcümnän soñ, bu xaqta xäbär taralmasın öçen, prezident saqçıları kilep tapşırğıçlarnı sütte. Bagapş räsmilär belän söyläşep tapşırularnı yañartırğa taläp itte. Kiläçäktä mondıy xäl bulmasın öçen televidenie binasına küzätüçelären quydı. Läkin bu televideniene basıp alunı añlatmıy, alar anı barı tik saqlıy."
Şulay itep, Abxaziäneñ üzendä kierenkelek däwam itä, ul arada Abxaziäneñ prezidentı kem bulır digän mäsälä yänä Mäskäwdä xäl itelä sıman. Xökümät namzäte Xacimba açıqtan-açıq Mäskäw taraflı sanala. Anıñ köndäşe Bagapş ta Rusiä belän mönäsäbätlärne nığıtırğa wäğdä itä, ämmä küplär, şul isäptän räsmi Tbilsi anı küpkä möstäqilräk citäkçe bulır dip sanıy. Düşämbedä Grusiäneñ "24 Saati" gäzitenä birgän äñgämäsendä Sergei Bagapş, Ardzinbanıñ qabat saylawlar ütkärü qararına qaramastan, kiläse ayda prezident wazifasına kereşäçägen belderde.
-Ali Gilmi