Accessibility links

пәнҗешәмбе, 8 декабрь 2016, Казан вакыты 07:15

Äfğanstanda totıq aluçılar belän söyläşülär bara


Äfğanstanda Berläşkän Millätlär Oyışmasınıñ 3 xezmätkären totıq itep aluçılar – alarnı azat itergä tışlıq kürsätüçelär belän söyläşülär başladı, dip xäbär itelä. Üzen Jaişul-Muslimen törkeme wäkile itep tanıtqan Sayed Khaleed, söyläşülär turında añlatma birüdän baş tartqan, näticälär tizdän bulaçaq, dip kenä äytkän. Urlanğan 3 keşe, Tönyaq İralandiä, Kosovo häm Filippinnan. Alar Äfğanstanda uzğan saylawlarnı äzerlärgä yardäm itkän bulğan. Alar uzğan atnanıñ pänceşämbesendä totıq itep alındı, alarnı urlawçılar – böten xalıqara oyışmalarnıñ Äfğanstannan kitüen häm törmälärdän Taliban häm äl-Qaida totqınnarın azat itü taläben quydı. Äfğanstan ğölämäläre şurası totıq itep alunı täñqitlägän belderü yasadı.

XS
SM
MD
LG