Accessibility links

якшәмбе, 11 декабрь 2016, Казан вакыты 14:53

Mintimer Şäymiev respublikanıñ sälätle balaları belän oçraştı


Prezident belän oçraşırğa böten respublikadan 65 bala kilgän ide. Alar arasında uquda berençelär, xalıqara häm Rusiä küläm olimpiadalarda, törle sport yarışlarında ciñüçelär, cır häm biü ostaları bar ide. Olılardan isä oçraşuda premyer-ministr urınbasarı Zilä Wälieva, Mäğärif häm fän, Mädäniät, Yäşlär eşläre häm sport ministrları, Qazan, Çallı, Yäşel Üzän şähärläre başlıqları qatnaştı. Süzne başlap, Mintimer Şäymiev sälätle balalarnıñ üzlärenä, alarnıñ uqıtuçılarına bik zur räxmätlär äytte, alarğa kiläçäktä dä uñışlar teläde. Sälätle, matur balalar bezneñ respublikada küp, läkin tabiğät birgän sälätne tulısınça açır öçen bik ozaq, küp itep eşlärgä kiräk, dide ul. Prezidenttan soñ süzne balalarnıñ üzlärenä birdelär. Monda kemder söyläde, ä qayberäwlär ostalığın kürsätep cırlap ta birde.

Xäyer, oçraşuğa kilüçelär arasında cırçılar ğına tügel, biüçe yeget Nurbek Batullin da bar ide. Läkin prezident täqdim itsä, Nurbek bu yulı biemiäçägen äytte. Minem biegänne kürergä teläsegez, bezneñ konsertlarğa kilep qarağız, dide ul prezidentqa. Söyembikä warisları xalıqara festivaleneñ I premiäsenä iä bulğan Nurbek Batullin mömkinçelek belän faydalanıp Mintimer Şäymievtan üze uqıy torğan Qazan xoreografiä uçilesçası öçen internat tözülären ütende. Ä yäş pianistlar bäygese ciñüçese Regina Buzolina isä, berär çit ildä uza torğan bäygegä barırğa üzenä matdi yärdäm soradı. Oçraşuda bulğan bar ministrlar, xakimiät başlıqları da bar yomışlarnı da ütärgä wäğdä birdelär.

Prezident belän oçraşuğa Törkiädä häm Braziliädä iñ çibär yäş miss itep saylanğan, respublikanıñ Yäşel Üzän şähäre qızı Daniä Ğöbäydullina da buldı. Ul Qazannıñ meñyıllığına bağışlap yazğan üzeneñ şiğeren uqıdı häm Mintimer Şäymiev qulınnan zur ğına çäçkä bäyläme aldı. Axırda oçraşuda qatnaşuçılar barsı bergä prezident belän fotoğa töştelär.

Gölnaz İlgizär

XS
SM
MD
LG