Accessibility links

дүшәмбе, 5 декабрь 2016, Казан вакыты 19:48

Cırçı Vener Mostafin niçek wafat bulğan?


Ufadağı qayber tanışlarğa , şulay uq Azatlıq radiosınıñ Qazan byurosına küñelsez xäbärlär kilä. Uzğan yılda Başqortstan Prezidentın saylağanda oppozitsiäne yaqlağan zıyalılarnı eştän çığaru, törleçä ezärlekläw turında söylilär. İleş rayonında yäşäwçelär üzläreneñ isemnären çığarmawnı sorasalar da, eşsez qaluların açınıp söylädelär. Andıylarnı xätta Ufağa barğaç ta , ezläp tabalar ikän. Çärşämbe könne Azatlıq radiosınıñ Qazan byurosına Başqort däwlät filarmoniäse artistı Vener Mostafinnıñ wafat buluı turında xäbär ittelär. Uzğan yılğı saylaw komandasında eşlägän. Başqortstan filarmoniäsendä tatar törkemen oyıştırırğa tırışıp yörüçe dä ul. Ul soñğı waqıtta bik qayğırıp yörgän. Vener Mostafinnıñ filarmoniädäge eş bülmäsendä üz-üzenä qul saluına ışanası kilmi. Bez Vener Mostafinnı yaxşı belüçe, şulay uq saylaw kampaniäsendä qatnaşqan Ufa zıyalısı Mäwliär Abdraxmanovqa şaltırattıq. Vener Mostafinnıñ tormış iptäşe Wäsilä xanım miña şıltıratqan ide, anıñ äytüençä:“Vener filarmoniädä royäldä asılınğan. Kvartir açqıçların filarmoniädäge ber keşegä birgän bulğan,“-dip. Bıltırğı Prezident saylawlarında Ralif Safinnı podderjat' itkän öçen anı presledovali bit inde filarmoniädä konsertlar belän çığarğa putevkalar birmiçä, tantanalı oçraşularğa da qatnaştırmadılar, ğomumän säxnägä çığarmıy başladılar. “Asılınası ğına qaldı inde” dip yöri başlağan ide. Min anı yuatıp ta yörgän idem , dönyalar üzgärer äle qayğırma dip “-dide Mäwliär äfände. Mawliär äfände Vener Mostafinnıñ tormış iptäşe Wäsilä xanım aşa Başqortstan filarmoniäsendäge qayğılı waqiğa turında beleşkän. Bu turıda tağı da tögälräk mäğlümatnı Azatlıqnıñ Ufadağı xäbärçeläre tıñlawçılarğa citkererlär äle.

Bu qayğılı xäbärne sezgä Mälikä Basıyr citkerde.

XS
SM
MD
LG