Accessibility links

җомга, 9 декабрь 2016, Казан вакыты 06:47

John Kerry AQŞ prezidentı saylawlarında ciñelüen tanıdı


Aq Yortnıñ yuğarı räsmi wäkile Andrew Card, George Bush bügenge saylawlarda ciñüenä ışana ide, dip belderde. Prezident George Bushnıñ respublikan partiäse Amerikan Kongressınıñ ike palatasın da üz kontrolenä aldı. Senattağı 100 urınnıñ kimendä 53endä respublikannar utıraçaq. 435 keşelek wäkillär palatasında da respublikannar küpçelekne alır dip farazlana. George Bush yañadan Quşma Ştatlar prezidentı itep saylansa – küpçelege respublikannardan torğan Senat, salımnarnı qısqartu häm bala töşerügä qarşı kebek bäxäsle qanunnarnı qabul itergä yardäm itä alaçaq. Dönya cämäğätçelege Amerikadan kilgän xäbärlärgä reaksiä belderä. Quşma Ştatlarnıñ yaqın berektäşe Polşanıñ prezidentı Aleksandr Kwasniewski, Bushnıñ yañadan saylanuı "yaxşı xäbär" dide. Yaponiä premyer-ministrı Junichiro Koizumi, prezident itep kem saylansa da, bu ike il arasındağı mönäsäbätlärgä ber niçek tä tä''sir itmiäçäk, dip belderde. Germaniä tışqı eşlär ministrı Joschka Fischer, tüzemlek belän saylaw näticälären kötergä çaqırdı. Ğiraq premyer-ministrı İyad Allawi, kem ciñsä dä "bezneñ dustıbız bulaçaq" dip äytkän. Rusiä ilbaşı Vladimir Putin Amerika xalqınıñ Bushnı yañadan prezident itep saylawı – alarnıñ qurquğa birelmägänen kürsätäçäk, dide. Dimäk, terrorçılar amerikan xalqın qurqıta almağan dimäk. Putin bu oçraqta "bäxetle" bulaçağın belderde. Yaqın Könçığış xalqı Bush''nıñ ciñüe belän – töbäktä qan qoyunıñ däwam itäçägen farazlıy, şuña bu tübäktä saylaw näticälären borçılu belän küzätälär.

XS
SM
MD
LG