Accessibility links

пәнҗешәмбе, 8 декабрь 2016, Казан вакыты 11:12

Tatarstan xökümäte toraq-kommunal tarmağındağı xälne tikşerde


Pänceşämbe könne Tatarstannıñ däwlät organnarı berniçä möhim çara ütkärde. Respublika xökümäte utırışlar zalında rayon-şähär başlıqları häm prezident Mintimer Şäymiev qatnaşlığında kiñäşmä buldı. Anda iqtisat, xucalıq häm sotsial' mäs'älär qaraldı. Ayırım alğanda, toraq-kommunal' şirkätlären üzgärtep oyıştıru çaraları bügenge qatlawlı wazğiättä xalıqnı bik qızıqsındıra. Fatir asraw bäyäläre artıp, xezmätländerü sıyfatı kimügä yul quymas öçen radikal' çaralar kürergä turı kilä. Şulay uq, toraqnı asraw häm kommunal' xezmätlär öçen subsidiälär birü, ayırım kategoriä keşelärenä yärdäm itü turındağı qanunnı ğämälgä mexanizmı da şunda tikşerelde. Qazan şähäre xakimiäte dä toraq-kommunal' mäs’äläläre buyınça matbuğat oçraşu ütkärde.

Tatarstan xökümäte binasında respublika aldında ğädättäntış xezmätläre bulğan pensionerlarğa östämä tüläw mäs’äläse dä qaraldı. Qazannıñ Üzäk park üzägendäge yul tözeleşe haman tämamlanmaw säbäple, transport xäräkäte tağı da kierenkelände.

Ä säyäsätkä kilgändä, xakimiät vertikalen qoru häm respublika citäkçesen saylaw, qanun çığaru orğanın saqlaw aktual' bulıp qala. Vostoçnıy ekspress gazetasında Rafail Xäkimov belän jurnalist Rinat Bilalovnıñ äñgämäse basılğan. Millätlär häm töbäklär mänfäğäte turında menä şulay gumanitar intelligentsiä wäkilläre kiñäşep tora.

Zvezda Povolj'ya gäzitendä Tatarstan xalıq deputatı Räzil Wälievneñ Däwlät Sovetı sessiäsendä yasağan çığışınıñ tekstı basılğan. Şul uq çığış başqa gäcitlärdä dä urın aldı. Cämäğätçelek Mäskäwneñ reformalarına torğan sayın kiskenräk qarıy. Tatarstan prezidentınıñ elekke süzçese, RTR kanalınıñ Belorussiädäge xäbärçelek punktında eşlägännän soñ Qazanğa qaytqan İrek Mortazin Läğnät-Proklyatie dip atalğan ör-yaña kitabınıñ qulyazmasın näşriätkä tapşırğan. Bu jurnalistnıñ ğämällären xuplap-yaqtırtıp toruçı Zvezda Povolj'ya kitapnıñ stilen tänqitlägän, ämma eçtälegen, real' qaharmannarın täfsilläp sanap çıqqan.

Rimzil Wäli

XS
SM
MD
LG