Accessibility links

Кайнар хәбәр

Bushnıñ ciñep çığuında nindi faktorlar rol uynadı?


Prezident G.Bush 4 yıl elekegä qarağanda zurıraq ayırma belän ikençe mäddätkä saylansa da ul qotıplaşqan il belän idarä itergä tieş bulaçaq.Bushnıñ köndäşe J.Kerry saylawlardan soñ, amerikannarnı berdämlekkä çaqırdı.Fiker beleşülär , G.Bushnıñ yañadan saylanuında anıñ basım yasağan traditsion qımmätlär şulayuq terrorğa qarata borçılunıñ da zur rol uynağanın kürsätte.

Bu märtäbä saylawlarda G.Bushnıñ ciñüçe buluı berniçä säğättän soñ bilgele buldı. Prezident köndäşe J.Kerrygä qarağanda 4 million çaması artıq tawış aldı häm Ohioda mäsälä ozın bäxäslär bulmıy xäl qılındı.Kampaniä waqıtnda Kerryneñ Bushqa Ğıraqta suğış alıp barasın dip yasağan höcümnäre, anı eçtä häm çittä bülüçe keşe dip taswirlawına qaramastan, ul yarıştan çiñüçe bulıp çıqtı. Ul ğına da tügel respublikannnar kongressta östenleklären nığıttı.G.Bush salım qanunnnarın reformalarğa , terrorğa qarşı köräşergä häm Ğıraq belän Äfganstanda nıq demokratiä urnaştırırğa wäğdä itte.Prezident, Kerryne yaqlawçılarnıñ ışanıçın alu öçen yasağan möräcäğätendä (audio) Yaña möddät böten xalıqqa ireşü öçen yaña mömkinçelek bulıp tora. Bezne ber il , ber konstitutsiä häm ber kiläçäk bergä bäyle.Bez bergä bulsaq, bergäläp eşläsäk , Amerikanıñ böyeklegenä çiklär bulmayaçaq dip äytte G.Bush 2000nçe yıl belän çağıştırğanda bu märtäbä zur ayırma belän ciñep çıqsa da tirän fiker ayırmalıqları 4 yıl elek Bushnıñ al Goreğa qarşı alıp barğan yarıştağı kebek .. Ütkärelgän tikşerenülär Bushnıñ in küp aqlar häm awıl cirlärendä yäşäwçe din totuçı keşelär tarafınnan yaqlanuın açıp saldı. Kerryne isä başlıça azçılıqlar şähärdä yäşäwçe azıraq din belän şägellänüçe keşelär yaqlıy.Bu terror höcümnäre , 2 suğış häm ilneñ iminlege turındağı borçılularğa qaramastan näk 2000nçe yılnıñ qaytawazı bulıp tora. J.Kerry çärşämbedä ciñelüen tanıp tarafdarları aldında yasağan çığışında Bushqa zur ayırmalıqlarnıñ qurqınıçı turında söylägäneñ häm ilneñ berdämlekkä nıq moxtaç buluın äytte.(audio) Bu könnärdä bez urtaq mäsälä öçen şiqäyät itmi , açu yäki näfrät beldermi bergäläp tırışırğa tieşbez.Amerikağa berdämlek häm tirän şäfqät kiräk dip äytte John Kerry . Respublikannar bu saylawlarda ilbaşı urını belän bergä wäkillär palatası häm senatta kübräk urın aluğa ireştelär.Associated Press belderüenä kürä 120million keşe yäğni tawış birergä xoquqlı amerikannarnıñ 60%saylawlarğa qatnaştı , 1968nçe yıldan soñ in yuğarı prosent bulıp tora.Cato intitutı belgeçe Patrick Basham süzlärençä Bushnı konservativlar nıq yaqladı ayrıça ul terrorğa qarşı nığıraq toraçaqmım dip ışandırdı ,Basham (audio) minemçä küp kenä saylawçılar öçen terror , ilneñ iminlege ähämiät üzägendä tordı.Alar Bushnıñ bu ölkädä alıp barğan säyäsät belän ällä ni qänäğät bulmasa da , eşne Kerrygä tapşırırğa kiçüdä atlarnı almaştırırğa qurıqtı dide Ayrıça ütkärelgän fiker beleşülär amerikan saylawçıları öçen moral mäsälälärneñ terror , iqtisad qädär ähämiätle buluın kürsätte. Küpçelek Abort,geylarnıñ öyläneşüe kebek eşlärgä nıq qarşı.Texas Universitetı belgeçe Bruce Buchanan bu mäsälälälärneñ täsirenä ähämiät birelmäde di(audio) sotsial mäsälälär amerikan saylawçısına, demokratlarnıñ üz mänfäğätlärenä qarşı dip qarağan yullar belän täsir itä. Amerika politikasın prezident däräcäsendä añlaw öçen bu fenomennı bez açıqlarğa tieş . AQŞnıñ 11ştatında saylawçılar ğailä ir belän xatın qıznıñ öyläneşüennän tora digän konstitutsiä tözätmäsen yaqlap , geylarnıñ öyleneşüen tuqtattı. färidä xämit
XS
SM
MD
LG