Accessibility links

шимбә, 10 декабрь 2016, Казан вакыты 02:12

«Udmurtiä» däwlät teleradiokompaniäsendä çığıp kilüçe «Oçraşu» tapşıruına 15 yäş


15 yıl elek, 3 noyäberdä «Udmurtiä» däwlät teleradio kompaniäseneñ radio efirında berençe tapqır tatar tapşıruı yañğırıy. Tatar ictimaği üzäge äğzalarınıñ törle dairälärne ütep, söyläşüläreneñ uñışlı tämamlanuı. Üzäk äğzaları tapşırunı «Oçraşu» dip atıy. Ul respublikada yäşäwçe tatarlarnı berläşterüçe çara bulıp sanala. Tapşırular ayğa ber tapqır efirğa çığa. Soñraq, «Oçraşu» atnalıq tapşıruğa äwerelep, menä inde 15 yıl buyına millättäşlärebezne söyenderä. Bu waqiğanı Udmurtiädä tatar jurnalistikasına yul salu dip äytergä mömkin. Radiojurnalnıñ efirda yañğırıy başlawınnan äle berniçä yıl ütkäç kenä tatar telendä televizion tapşırular, annan soñ «Yañarış» gazetası da dönya kürälär.

Siksänençe yıllar azağında «Oçraşu» radiojurnalı tatarlarnı berläşterüçe tapşıru bulıp tora. Ul respublikanıñ törle töbäklärendä sibelep yäşäwçe millättäşlärebez tormışın yaqtırta, anda bulıp uzğan waqiğalar turında söyli, qızıqlı şäxeslär belän tanıştıra, citäkçelär alıp barğan säyäsätneñ millätlärgä qarata tiskäre yoğıntısın añlata, iñ möhime — xalqıbıznıñ çın tarixı belän tanıştıra başlıy, milli ixtıäclarnı qänäğätländerü problemasın kütärä. Bolar üz çiratında xalqıbıznıñ üzañın kütärüdä üz rolen başqara. Soñraq töbäklärdä ata—analarnıñ tatar sıynıflarınıñ açıluın taläp itep, anda balaların uqıta başlawı, tatar mädäniäteneñ üseşkä kiterüen, ğöref—ğädätlärebezneñ torğızıluı, mäçetlär häm mädräsälär tözelüe bolarnıñ barasında da «Oçraşu» radiojurnalınıñ da, hiçşiksez, öleşen tanırğa kiräk. Bu uñaydan bügen «Yañarış» näşriät üzägen citäkläwçe, student çorında näq şuşı tapşırularda çirattağı praktikasın ütüçe İrek Şäripov bolay dide.

Şulay itep «Oçraşu» radiojurnalı çığarılışları üzeneñ totrıqlılığı, eçtälege belän başqa tatar redaksiäläre öçen ürnäk tä bulıp tora.

Xämidä Ğayfullina, «Azatlıq» radiosı, Udmurtiä.

XS
SM
MD
LG