Accessibility links

Кайнар хәбәр

Äfğanstan prezidentı Hamid Qarzai xalqına räxmät belderde


Äfğanstannıñ yaña saylanğan prezidentı Hamid Qarzai bügen prezident sarayında Qabulda yasağan çığışı waqıtında Äfğan xalqına räxmäten belderde. Jurnalistlar aldında, Qarzai, Äfğanstanğa könbatış stilendä demokratiä tözer öçen äle ozın yulnı ütäse bar, dide: "Yevropa yä Amerikada kebek saylawlar uzdıru däräcäsenä citkänçe äle bik küp yıllar ütäçäk. Bezneñ il buylap säyäsi partiälärebez yuq. Säyäsi partiälär bulmağanda, saylawlarnı töbäk yä millätlär nigezendä ütkärergä turı kilä," dide Qarzai. Şulay uq prezident, suğışçılar häm äfyün satuçılarnıñ Äfğanstanda kiläçäge yuq, dide. Hamid Qarzainıñ Äfğanstanda uzğan prezident saylawlarındağı köndäşe Yunus Qanooni, üzeneñ ciñelüen tanıdı. Qarzai tawışlarnıñ 55%tın, Qanooni – 16%tın alğan ide. Qarzai faydasına xärämläşülär buldı, dip qabatlasa da, Qanooni, prezident urınına däğwa itkän başqa namzätlär kebek ük, köndäşenä uñışlar teläde.
XS
SM
MD
LG