Britaniä tışqı eşlär ministrı Jack Straw, George Bushnıñ yañadan Amerika Quşma Ştatları prezidentı itep saylanuı – İzrael – Fälestin nizağına çişeleş tabırğa yaña mömkinlek birä, dip belderde. Kiçä şulay uq Britaniä premyer-ministrı Tony Blair da Yaqın Könçığışta tınıçlıq urnaştırunı – säyäsi säxnädäge töp mäs'älä dip bilgeläde. Dönya cämäğätçelege Bushnıñ yañadan saylanuına reaksiä belderüne däwam itä. Qazaxstan tışqı eşlär ministrı Kasımjomart Tokayev, Quşma Ştatlar belän terrorğa qarşı suğışnı berlektä däwam itügä ömet belderde. Qırğızstan tışqı eşlär ministrı Askar Aitmatov Amerika belän mönäsäbätlärdä üzgäreş bulmayaçaq, dide. Üzbäkstan prezidentı İslam Kärimovtan kilgän xatta, Quşma Ştatları "tarixi missiäne" ğamälgä aşıra, xalıqara terrorğa qarşı köräş kebek awır yökne üz östenä alğan ber il, dielä. Prezident Bush bügen üz kabinetı belän oçraşa.
